شاعر «حسین آغیارلی»یا باش ساغلیغی
چوخ تاسفله شاعر دوستوموز «حسین آغیارلی» اؤز سئویملی قارداشی و ادبیاتیمیزین صمیمی قایغی‌کشی «جبرائیل سیف هریس»ی الدن وئرمیشدیر. «جبرائیل سیف هریس» خصوصیله انقلابدان سونرا ادبی درنک‌لریمیزین قورولماسیندا جدی تلاش گؤسترن وطنداشلاریمیزدان اولموش و تهران شهرینده بیر چوخ آذربایجان ادبی مدنی شخصیتلریمیزین اثرلرینین یاییلماسیندا فعالیت ائتمیشدیر. «جبرائیل سیف هریس» خرداد آیی‌نین اوچونجو گونو تهرانین “امام خمینی” خسته‌خاناسیندا خرچنگ(سرطان) خسته‌لیگینه تسلیم اولموش و ابدی‌لیک اولاراق آرامیزدان کؤچموشدور.
ایشیق- آذربایجان ادبیات و اینجه صنعت سایتی امکداشلاری بو آجی ایتگینی شاعر «حسین آغیارلی»یا، «سیف هریس» عائیله‌سینه و مرحومون تانیشلارینا باشینیز ساغ اولسون! دئییر و ادبیات خادیمی «جبرائیل سیف هریس»ین خاطیره‌سینی عزیزله‌ییر.
ایشیق- آذربایجان ادبیات و اینجه صنعت سایتی
۳ خرداد ۱۳۹۴
یک پاسخ
آللاه اونا رحمت ایلسین. یاخچی وبویوک کیشییدی.