اوستاد مظفر درفشی‌نین جنازه‌سی تورپاغا تاپشیریلدی
شنبه گونو بهمن آیی‌نین ۱۸ینجی گونو آذربایجانین تانینمیش مبارز شاعری اوستاد مظفر درفشی‌نین جنازه‌سی تهرانین بهشت‌زهرا مزارلیغیندا تورپاغا تاپشیریلدی. درفشی عائیله‌سی‌نین تکلیفی‌ایله بو وداع مراسیمی یالنیز اوستادین عائله عضولرینین اشتراکی‌ایله کئچیریلدی؛ آنجاق وداع مراسیمینده اوستادین محدود سایی‌دا قلمداشلاری او جومله‌دن: حبیب فرشباف، ابراهیم دارابی، میرزه شهرک، حسن ایلدیریم، ائلدار موغانلی، اکبر قاداش، قنبر سیفی، عدالت دومان و بابک تورک‌ده اشتراک ائتمیشدیلر.
خالقیمیزین مبارز شاعر اوغلو اوستاد مظفر درفشی‌نین خاطیره‌سینی عزیزله‌مک مقصدیله صابر ادبی انجومنی و آذربایجانین دیگر ادبی- مدنی درنک‌لری طرفیندن بهمن آیی‌نین ۱۹ینجی گونو(یکشنبه) آشاغیداکی آدرسده طنطنه‌لی مراسیم کئچیریله‌جکدیر. صابر ادبی انجومنی و دیگر درنک‌لریمیزین ده‌یرلی عضولریندن بو مراسیمه قاتیلمالارینی ایسته‌ییریک.
تهران- شهرک غرب- بلوار دادمان- اول خیابان درختی- طبقه دوم تالار سپهر
