خالق شاعری “واقف صمداوغلو” وفات ائتدی
آذربایجان یازیچیلار بیرلیگی‌نین یایدیغی خبر اساسیندا، آذربایجانین خالق شاعری، دراماتورق و اجتماعی شخصیت “واقف صمداوغلو” اوزون سورن خسته‌لیکدن سونرا بو گون یانوارین ۲۸ینده وفات ائتمیشدیر.
واقف صمد اوغلو ۱۹۳۹ینجی ایل باکی شهرینده مشهور آذربایجان شاعری صمد وورغونون عائیله‌سینده آنادان اولموش، بیر چوخ فلسفی، لیریک و پسیکولوژیک شعرلرین موللیفی کیمی مشهوردور. بوندان علاوه معاصر حیاتین بیر چوخ پرابلئملرینه حصر اولونموش درام اثرلری واردیر و بیر نئچه کینو سئناریاسی‌نین موللیفی‌دیر.
“ایشیق”- آذربایجان ادبیات و اینجه سایتی امکداشلاری آدیندان خالق شاعری واقف صمد اوغلونون ایتگیسینی آذربایجان خالقینا باش ساغلیغی وئریر و شاعرین عزیز خاطیره‌سینه عشق اولسون دئییریک.
