“هاشیم ترلان”ین آنا یوردو شاعر اوغلونو عزیزله‌دی
چئویرن: ایشیق
ترجمه: ایشیق
ایشیق
00:00
00:00

hashim terlan
“هاشیم ترلان”ین آنا یوردو شاعر اوغلونو عزیزله‌دی

جوما گونو آذر آیی‌نین یئددینجی گونو ساعات ۱۰دان ۱۲یه قده‌ر ملی و مبارز شاعریمیز هاشیم ترلانین خاطیره‌سی بیر چوخ هموطنلریمیزین اشتراکی‌ایله، آذربایجانین “مهروان” ماحالی‌نین “زنجیل آباد” کندینده‌ده عزیزلندی.
شاعرین عائیله‌سی و قوهوملارینین تشبثی‌ایله تشکیل ائدیلن بو عزیزلمه مراسیمینده تبریز، هریس، مهروان، ساراب و اهر شهرلریندن، ائله‌جه‌ده اطراف کندلردن شاعرین تانیشلاری و یارادیجیلیغی‌نین هوسکارلاری اشتراک ائتمیشدیر. عینی حالدا آذربایجان شاعر و یازیچیلاری‌نین بیر گروهودا بو مجلیسه قاتیلیب و خالقیمیزین شرفلی اوغلونون خاطیره‌سینه شعرلر اوخویوب و خاطیره‌لر سؤیله‌دیلر. مجلیسده تانینمیش آذربایجان شاعری و اجتماعی شخصیتی “سلیمان ثالث” اوستاد ترلان‌لا آرالاریندا اولان منظوم مکتوبلارینین بیرینی اوخویوب، سونرا شاعر “هریزلی” اوستادین شخصیتی و یارادیجیلیغی باره‌ده قیسا دانیشیب و خالق شاعری صمد وورغونون بیر شعری‌ایله اوستادین خاطیره‌سینی عزیزله‌دی. بو مراسیمدن الیمیزه چاتان اطرافی معلوماتی و یاخود شکیل‌لری عزیز اوخوجولارا چاتدیراجاغیق.

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

“هاشیم ترلان”ین آنا یوردو شاعر اوغلونو عزیزله‌دی

ایشیق
www.ishiq.net

آذربایجان ادبیات و اینجه‌صنعت سایتی