نوبل ادبیات موکافاتینی فرانسالی یازیچی “پاتریک مودیانو” قازاندی.

سوئد کرالیت آکادئمیاسی‌، بیر میلیون یوز مین دوللارلیق ۲۰۱۴ نوبل ادبیات موکافاتینی یئیه‌لنمه‌یه، اؤز اثرلرینده نازی ایشغا‌لی و ایشغالین تأثیرلرینه باجاریقلا یئر وئره‌ن ۶۹ یاشلی فرانسالی یازیچی “پاتریک مودیانو”نو لاییق گؤردو. ساده دیلی، قیسا جومله‌لریله اؤزونه خاص بیر دیل گلیشدیرن “مودیانو”، معاصر اینسانین یاخین کئچمیشینین درینینه ایشله‌ین تاریخی رومانلاری‌‌‌ایله تانینیر.
1945ینجی ایل فرانسادا دونیایا گؤز آچان مودیانو، فرانسانین مدرن ادبیاتی سیمالارینداندیر و بوندان اؤنجه‌ده فرانسانین ایکی ان مهم ادبی موکافاتی: “فرانسا آکادئمیاسینین رومان موکافاتی” و “گنکور موکافاتی”نی قازانمیشدیر و ایندییه قده‌ر ۳۰ کیتابی نشر ائدیلیبدیر؛ ایراندا ایسه آشاغیداکی اثرلری یاییلیبدیر:
«محله گم شده»- افراز انتشاراتی- مترجم: اصغر نوری
«سفر ماه عسل»- افراز انتشاراتی- مترجم: نسرین اصغرزاده
«خیابان بوتیک‌های خاموش»- افق انتشاراتی- مترجم: ساسان تبسمی
«در کافه‌ی جوانی گم‌شده»- افق انتشاراتی- مترجم: ساسان تبسمی
«افق»- افق انتشاراتی- مترجم: ساسان تبسمی
«تصادف شبانه»- فرهنگ جاوید انتشاراتی- مترجم: مهسا ابهری
«آه ای سرزمین محبوب من»- نظر انتشاراتی- مترجم: رویا خویی
«افق» و «تصادف شبانه»- چشمه انتشاراتی- مترجم: حسین سلیمانی‌نژاد
«بیراه»- فرهنگ آرش انتشاراتی- مترجم: آرش نقیبیان