ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

urmu golu
“اورمو گؤلو آنتولوگییاسی” حاضیرلانماقدادیر

بیلدیریش

“اولکر یایین ائوی” یازارلار قورولو، سون اوتوروموندا کولتوره‌ل چالیشمالاری دوغرولتوسوندا اورمو شهری و اورمو گؤلو ایله ایلگیلی یارانمیش اولان صنعت اثرلرینی (شعر، اؤیکو، ائسسه “دئنه‌مه” و س.) بیر آنتولوگییا قالیبیندا درله‌ییب سونما قرارینی آلمیشدیر. سؤز قونوسو کیتابین یارانیشینا قاتیلماق ایسته‌ین سایقیلی قلمداشلاردان 10/12/1392تاریخینه قده‌ر اثرلرینی word فورمتینده ایستر عرب، ایسترسه لاتین آلفابئتلری ایله ulkerismail2009@yahoo.com  آدرسینه گؤندرمه‌لری رجا اولونور. گؤندریلن اثرله بیرلیکده اثر صاحیبینین اسکن اولموش بیر فوتوگرافی، یازارین و یا شاعیرین دوغوم یئری، دوغوم تاریخی، باسیلمیش اولان اثرینین/اثرلرینین آدینی/آدلارینی (وارسا) قاپسایان قیساجا اؤزگئچمیشی و علاقه تلفونو گؤندرمه‌لری گرکلیدیر. آرتیق بیلگی اوچون یوخاریداکی آدرسه ایمیل آتا بیلیر، یا دا 09143418026 نؤمره‌سینه زنگ آچا بیلیرسینیز.

سایقیلاریمیزلا – اولکر یایین ائوی یازارلار قورومو

یک پاسخ

  1. “اورمومو قوروما اورمو دنیزیم”
    بیر ساو قولاغیمی چالدی ایلانی :
    -“اورمومو قورویور اورمو دنیزیم”
    “اؤز”- ومو تله سدیم یئتیردی اونا :
    -” اورمومو قوروما اورمو دنیزیم”
    دنیزدن سوسوز دوز ایلغیمی گؤردوم
    هاردا شپه لر، سیز ؟ سؤزومو یوردوم
    اورمو دنیزسیزدن دنیزین سوردوم
    -” اورمومو قوروما اورمو دنیزیم”
    گؤزومو داشلاندی جوجوقلوق چاغی
    بؤیرونو سیغینمیش او زنبیل داغی
    هر یانی اوزوملر سرگیسی باغی
    -” اورمومو قوروما اورمو دنیزیم”
    جوموب شپه لرین قوینون اویاردیق،
    اوزاق گمی سسین یاخین دویاردیق
    چیممه یی یورلوب یوروب دویاردیق؟
    -” اورمومو قوروما اورمو دنیزیم”
    ایستینی شیرجه ده سرین جوماردیق
    دامجی شورلارینی گؤزدن داماردیق
    آجیشیب گونشه شورو یوماردیق
    -” اورمومو قوروما اورمو دنیزیم”
    اوخوردوق : دریادا …دا… دریالیقلار
    سو شوروندا هئچ اوینارمی بالیقلار!
    چاپدیغیم سیچرایان آت، دالغالیقلار
    -” اورمومو قوروما اورمو دنیزیم”

    دردلری قوملاردا ساغلایان درمان
    پخلنین قوینونو بولور یئنی جان
    هله قال گؤزلرده یاشلا اوخونان
    -” اورمومو قوروما اورمو دنیزیم”!
    دوغراندین بابکین ال- قول قاناتین
    تاتووو، باراندیز هم ده جیغاتین
    بیچیلمیش قیچلاری دالغالار آتین
    -” اورمومو قوروما اورمو دنیزیم!”
    ایندی ساحیلینی روزگارلار گزیر
    دوزلاقلار تیکانی قیینی بزیر
    کؤچری قوشلارین باغرینی ازیر
    -” اورمومو قوروما اورمو دنیزیم!”

    دوزلاق سورونورسه اورمونو اودار
    شورانلیق باغلاری بوستانی بودار
    اوزانان دوز شالی بوینوموزا دار

    -” اورمومو قوروما اورمو دنیزیم!”
    اورمومو قوروما اورمودور دیزیم
    قورویان آذردیر بایجان دیر بیزیم
    دوزلاغی روزگاردا ایتیلر ایزیم
    -” اورمومو قوروما اورمو دنیزیم!”

    جعفر بزرگ امین(یارین اورمولو)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *