چئویرن: ایشیق
ترجمه: ایشیق
ایشیق

ایندییه‌دک تنقید و تنقیدچیلیک ساحه‌سینده مختلیف اثرلر و مقاله‌لر مؤلفی اولان شاعیر-یازیچی، بو دفعه ۱۳۷۰ دن ۱۳۸۰.جی اون‌ایللیک آراسیندا یازدیغی شعرلریندن سئچیم ائده‌رک شعر توپلوسو مؤلفی کیمی چیخیش ائتدی. شاعیر، شعر کیتابینا یازدیغی اؤن‌سؤزده اوغراشدیغی تنقید ساحه‌نی اونوتمایاراق یئنه ده او دؤور شعریمیزین سوردویو یوللاری قیساجا ایشیقلاندیریر. او، تنقید ساحه‌سینه استقامت‌لنمه سبب‌لرینی و تنقیدله اوغراشدیغی سببدن شعرلری‌نین چاپ اولماسینی ایکینجی درجه‌لی اهمیته بوراخدیغینی دا آچیقلاییر:
۱۳۷۱ده دکتر براهنی‌نین چاپ اولان اوچ جیلدلیک «طلا در مس» آدیندا تنقید کتابینی دا اوخودوم. بو کتاب منده آنا دیللی ادبیاتیمیزدا تنقیدین بوشلوغونو، و بو بوشلوغو دولدورماق دویغوسونو اویاتدی. بو دویغونو گوج‌لندیرن باشقا بیر عامیل ده اولدو. ادبی ییغینجاقلاردا فارس دیلینده یازان فارس اؤیرنجی‌لری‌نین قیجیقلاندیریجی دوشونجه‌لری. اونلارین بیری‌نین وئردییی سوال اون ایل منیم قولاغیمدا جینگیلده‌دی: «تورک دیلینده ده شعر یازماق اولارمی؟»
بو کیمی تحقیر ائدیجی سورغولارا جاواب آختارماق اوچون همت شهبازی داها چوخ تنقیدله اوغراشدی؛ بو مسئله اونون شعرلری‌نین چاپ اولماسینی آرخا پلانا سالاراق گئجیکدیردی. اؤزو یازمیشکن: «تنقید موضوعسونا بیرینجی درجه‌ده اؤنم وئرمک، شعر کتابیمین چاپ اولماسینی ایکینجی و اوچونجو درجه‌لی اهمیته چئویردی».
اؤنم وئردییی تنقیدی آراشدیرمالارینی چاپ ائتدیردیکدن سونرا آرخایین‌لیغا چیخان یازار، شعر کیتابینی چاپ ائتمه‌یین واختی چاتیبدیر دئیه اونلاری چاپ ائتمک قرارینا گلدیینی ده وورغولاییر. بئله‌لیکله «بولود قونور گؤزلرینه» ایلک شعر توپلوسو، شاعیرین یوخاریدا قئید اولان ایللرده‌کی شعرلرینی چئوره‌یه‌رک سیرا ایله یازی تاریخ‌لری ایله تبریزین «آیدین ساو» نشریاتی طرفیندن چاپ اولوبدور. کیتابین ساتیش یئرلری آشاغیداکی عنوانلاردان عبارتذیر:

خییوو شهرینده: «دنیز» کیتاب ساتیش ائوی
موغاندا: بهروز صدیقی‌نین مغازاسی
تبریزده: آیدین ساو نشریاتی

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همت شهبازی‌نین «بولود قونور گؤزلرینه» شعر کیتابی چاپ اولدو.

ایشیق
www.ishiq.net

آذربایجان ادبیات و اینجه‌صنعت سایتی

همت شهبازی‌نین «بولود قونور گؤزلرینه» شعر کیتابی چاپ اولدو.

ایشیق
www.ishiq.net

آذربایجان ادبیات و اینجه‌صنعت سایتی

همت شهبازی‌نین «بولود قونور گؤزلرینه» شعر کیتابی چاپ اولدو.

ایشیق
www.ishiq.net

آذربایجان ادبیات و اینجه‌صنعت سایتی