چئویرن: ایشیق
ترجمه: ایشیق
ایشیق
00:00
00:00

رسمی خبر آژانسلارینین یایدیغی خبر اساسیندا، قاشقای ائلی‌نین گؤرکملی تدقیقاتجیسی اوستاد «اسدالله مردانی رحیمی» مهر آیی‌نین ۳۰-جی گونو ۷۰ یاشیندایکن حیاتلا ابدی‌لیک وداعلاشمیشدیر.
«اسدالله مردانی رحیمی» ۱۳۳۱-جی ایل قاشقای ائلی‌نین کؤچری طایفالاریندان اولان «رحیملی» طایفاسیندا دونیایا گؤز آچمیش، ابتدایی تحصیلینی «مکتبخانا» و «عشایری مدرسه‌»ده کئچیریب، دوققوزونجو صینیفه قده‌ر شیراز شهرینده اوخویوب، سونرا «دانشسرای عشایری»یه داخیل اولوب تحصیلینی بیتیرمیشدیر. او دانشسرانی بیتیردیکدن سونرا قاشقای ائلی و اؤلکه‌نین جنوب حصه‌لرینده‌کی کندلرده معم‌لیک ائتمیش، بو ایش‌له برابر ریاضی اختصاصیندا دیپلوم و فارس دیلی و ادبیاتی اوزره لیسانس آلمیشدیر؛ راهنمایی و اورتا مکتب سویه‌سینده اوتوز ایل معلیملیکدن سونرا ۱۳۷۹-جی ایل تقاعده چیخمیشدیر.
اوستاد «اسدالله مردانی رحیمی» ۱۳۶۶-جی ایلدن عؤمرونون سونونا قده‌ر قاشقای ائلی‌نین مدنیتی، عنعنعه‌لری و فولکلورو اوزه‌رینده چالیشمیش، اونلاری یایماقدا الیندن گلنی اسیرگمه‌میشدیر. ایلک اثرینی ۱۳۶۸-جی ایل «قاشقای سؤزلوگو» عنوانیندا ۸۷۲ صحیفه‌ده نشره حاضیرلامیشدیر. باشقا اثرلریندن: «فرهنگ لغت ترکی قشقایی- فارسی»، «زبان ترکی و شیوه نگارش آن»، «خود آموز زبان ترکی قشقایی و مبانی دستور آن»، «آتالار سؤزو (ضرب المثلهای ترکی قشـقایی)»، «آساناکلار(ترانه‌های ترکی قشقایی)، و «فرهنگ نام‌های ترکی قشقایی همراه با اسامی ترکی امروزه و قدیمی» کیتابلارینی آد آپارماق اولار.
«ایشیق»- آذربایجان ادبیات و اینجه‌صنعت درگیسی امکداشلاری آدیندان، قاشقای ائلی ادبیات و مدنیتی اوغروندا عؤمرونو صرف ائدن اوستاد اسدالله مردانی رحیمی‌‌نین ایتگیسینی اوستادین حؤرمتلی عائله و دوست تانیشلارینا، قاشقای ائلینه، آذربایجان ادبی مدنی اجتماعیاتینا باش ساغلیغی وئریر و خاطیره‌سینی عزیزله‌ییریک.

«ایشیق» – آذربایجان ادبیات و اینجه‌صنعت درگیسی
۰۱/۰۸/۱۴۰۱

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قاشقای ائلی‌نین گؤرکملی تدقیقاتجیسی حیاتلا وداعلاشدی

ایشیق
www.ishiq.net

آذربایجان ادبیات و اینجه‌صنعت سایتی

قاشقای ائلی‌نین گؤرکملی تدقیقاتجیسی حیاتلا وداعلاشدی

ایشیق
www.ishiq.net

آذربایجان ادبیات و اینجه‌صنعت سایتی

قاشقای ائلی‌نین گؤرکملی تدقیقاتجیسی حیاتلا وداعلاشدی

ایشیق
www.ishiq.net

آذربایجان ادبیات و اینجه‌صنعت سایتی