چئویرن: ایشیق
ترجمه: ایشیق
ایشیق
00:00
00:00

قاراداغین سئویملی اوغلو، شاعیر اوغلو، شعیرینین بزه‌یینی داغ‌لارین زیروه‌سیندن آلان شاعر، ناتورالیست باخیشلی، قارتال قانادلی شاعر، صابیر ادبی انجومنی‌نین ادوار مودیره هئیتی‌نین ده‌یرلی عضوو، شاعر ولی شاه‌محمدی «گولدورلی ولی» بوگون ۱۴۰۱/۳/۲۶ تهراندا امام حسین خسته‌خاناسیندا حیاتا گؤز یومدو.
«گولدورلی ولی» ۱۳۳۴_جی ایلین مرداد آییندا شاعرلر، عاشیق‌لار مسکنی اولان قاراداغین گولدور کندینده آنادان اولدو. گنج یاش‌لاریندان آنا یوردونون سحیرلی، طراوتلی طبیعتیندن ایلهام آلاراق، شعیر یازماغا باشلادی، ائله گنج ایکن باشقا یئرلی‌لری کیمی ایش تاپماق اوچون تهرانا کؤچمک مجبوریتینده قالدی. تهراندا اوزون ایل‌لر گولر اوزیله نقاش‌لیق صینفینده شهرداش‌لارینین، وطن‌داش‌لارینین ائولرینی بزه‌دی، عینی زماندا نقاش‌لار صینفی‌نین (اتحادیه صنفی نقاشان تهران)ده فعال بیر عضو کیمی چالیشدی. «شاعر ولی» صابیر انجومنی‌نین تأسیسیندن نئچه ایل سونرا صابیر انجومنینه قوشولدو، عاشیق‌لار ایله گئنیش ارتباطدا اولدوغو اوچون صابیر انجومنی‌نین موسیقی بؤلومونه مسئول سئچیلدی. عینی زماندا انجومنین مودیره هئیتی‌نین سئچگی‌سینده صابیر انجومنی‌نین مودیره هئیتینه سیچیلدی. «شاعر ولی» اون ایلدن آرتیق کؤنوللو اولاراق بو مسئولیتده چالیشدی. ائل آراسیندا بئله بیر سوز وار «آدام گئدر، آد قالار»؛ بوگون «گولدورلی ولی‌» بیزدن آیریلسادا، اونون خاطیره‌لری، اونودولماز شعیرلری، شعیرلرینه بسته‌لنن ماهنی‌لاری ابدی اولاراق خالقیمیزین یاداشیندا یاشایاجاق. «گولدورلو ولی»‌دن بئش کیتاب یادیگار قالیب: ۱-آغلی داغ، ۲-قارتال قایناغی، ۳-حسرت گوزگوسو، ۴-لامپاسیز اوتاق و ۵-دیوان «گولدورلی ولی» و بیر سیرا شعیرلر کی هله ایشیق اوزو گؤرمه‌ییب‌لر.
«ادبیات سئونلر» ادبیاتمیزین سماسیندا واخت‌سیز-وعده‌سیز آخان شاعرین آجی آیریلیغینی ائلیمیزه، «گولدورلی ولی»نین عاییله‌سینه، صابیر انجومنینه، ادبیات سئونلره، شاعرین قلم‌داش‌لارینا، قوهوم اقرباسینا اورک ائویندن باش ساغلیغی وئریر.
ادبیات سئونلر: ۱۴۰۱/۳/۲۶

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گلدی گئدر دونیادان بیر شاعر کوچدو / «ادبیات سئونلر»

ایشیق
www.ishiq.net

آذربایجان ادبیات و اینجه‌صنعت سایتی

گلدی گئدر دونیادان بیر شاعر کوچدو / «ادبیات سئونلر»

ایشیق
www.ishiq.net

آذربایجان ادبیات و اینجه‌صنعت سایتی

گلدی گئدر دونیادان بیر شاعر کوچدو / «ادبیات سئونلر»

ایشیق
www.ishiq.net

آذربایجان ادبیات و اینجه‌صنعت سایتی