اوخوماق زامانی: 3 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.


“آنامین یایلیغی” جشنواره سینین سئچیلمیش اوشاقلاری
رضا همراز

 بیر نئچه دوور دور آنامین یایلیغی آدلی فستیوال آذربایجاندا کئچیریلیر . بو فستیوالا آذربایجاندان علاوه بیر چوخ کند و شهرلردن ده قاتیلیرلار . اورایا گلن یازی لار ؛ شعرلر و … داورلرین سئچیمی ایله ؛ سئچیلیب ؛ اعلام اولوب و نهایت بیرینجی رتبه قازانانلارا اودول ده وئریلیر . آلدیغیمیز خبر اساسیندا تبریزدن ده بیر نئچه استعدادلی و باجاریقلی اوشاق بو جشنواره یه اوز دیرلی اثرلری ایله قاتیلمیشدی لار . همین اوشاقلارین اثرلرینین بیر نئچه سی داورلرین تشخیصی ایله یاخشی رتبه لرده دایانمیشلار . آنامین یایلیغی جشنواره سینین قوروجو هیئتی ؛ داورلری و هابئله بوتون چالیشانلارینا بو گورکملی ایش ده اللرینیز آغری ماسین دئیه یارین اوشاقلار قوروهونوندان قاتیلیب دییر کسب ائدن اوشاقلارین حئکایه لری ایله شعرلرینین اوخوجوسو اولوب ناز بالالاریمیزا ایسه جان ساغلیغی ایله یئنی نائلیت لر آرزی لاییریق .


حیکایه
سالار ترابی

بیرگون داغین اته یینده یئرین قارانلیغیندا بیر گول جوجرمیشدی. اورادا سو یوخ ایدی. بیر یئکه داش دا گولون یانیندا یئرده ایدی آنجاق بیر مدتدن سونرا گول سوسوزلادی. او نیگران گؤیه باخیردی. داش نه اولوب دئدی؟ -سوسوزام منه سو تاپ گول دئدی. بو آندا بیر کپه نک گؤیده اوچوردو. داش کپنه یه دئدی: بورادا سو یوخدی آما من بیر قوجا باتلاق تانیرام کی چوخدان قورویوب.داش دئدی اونو اویالدا بیلرسن اؤزونو گوله یئتیرسین. او کپه نک باتلاغا ساری گئدیب آما اونو اویالدا بیلمه دی. او کور پئشمان گوله ساری گلیب دئدی او شیرین یوخودا یاتیب گول سوسوزلوغدان بوینون چیینینه قویموشدو. اؤز- اؤزونه دئییردی : نه اوچون من بورادا بیتدیم کاش گؤیلوق بیر یئرده اولایدیم. گون همه شه کی کیمی گؤیده دایاناراق هر گوندن ایسسی سین داها چوخالتمیشدی.داشین بیرزاد اوره یینی سیخیردی. گولون اؤلمه سی،اوره یینی آغریدیردی. او داش گؤزلرینی یومدو تا گولون اؤلمه سینی گؤرمه یه. داها گول هر یانی تار گؤروردو اونون سون باخیشلارلاری ایدی آما بیردن آیاغینین آلتیندا شئحلیک حیسس ائله دی. او چیغیریب دئدی سو…سو….سو سسی ائشیدیرم. آیاغینین آلتیندا گوز یاشی کیمی دوم- دورو سو وارایدی. او سودان ایچدی سونرا باخدی گؤره سویون سونو هارادی! آما بیردن گؤردو داش پاتلامیشدی اونون اوره ییندن دوم- دورو سو سانکی گؤز یاشی کیمی جوشماغا باشلامیشدی.

 
سارا
آی تک آروینی

 بیر قولچاغام، آدیم سارا

 زلزله دن قورتولموشام

 یاتیرمیشدی قیچی اوسته

 قارا تئللی، گؤزل لاله

 یئر ترپشدی، داملار اوچدو

 قالدی لاله دووار آلتدا

 نئچه گوندور دانیشدیران یوخدو منی

 تئللریمی تومارلایان، ساچلاریمی هؤرن یوخدو

 بیلمه ییرم لاله هاردا

 منی آتیب هارا گئدیب؟

 او سئویملی یولداش ایدی

 یامان اونا داریخمیشام

 توپراق اوسته قونان سئرچه اوندان منه خبر یئتیر

 
آلما آغاجی
ائلیار بنایی

 بیرگون بیرقوجامان آلما آغاجی ناراحات ایدی. یئل آغاجاساری گلیب،دئدی:

نه اولوبدورآغاج قارداش؟

بوتاقلاریم آغیرلاشیب،مئیوه لریمی ساخلایابیلمیرم،قوجامان آغاج جاوابلادی. یئل بیرآزفیکیرله شیب دئدی:

تاپدیم! تئزآغاجین بوتاقلارینا ساری محکم پوفله دی،آغاج دان بیر- ایکی آلمایئره دوشدو. آغاج دئدی: گینه بوداقلاریم آغیردیر. یئل بیردن فیکیرله شدی. بیرقوجا ننه نین ائوینه ساری آغاجین آلمالارینین اییسین پوفله دی. آلمالارین اییسی قوجاننه نین ائوینه گئتدی. قوجاننه دئدی: ایندی گئدیب،آلمالاری ده ره رم!

اشتراک گذاری در print
چاپ

5 پاسخ

  1. در روزهای اخیر استاد “محمد رضا ترابی رهور “متخلص به “رضا همراز “نیز در غم از دست دادن عموی گرانقدرشان مرحوم “حاج علی ترابی رهور “عزادار بودند، بدینوسیله این ضایعه دردناک را به خانواده ” ترابی رهور “و خصوصا به استاد همراز تسلیت عرض می نماییم.

  2. سلام. من ده بیر چوخ یازیچی و شاعیرلریمیزله بیرلیکده ، بو فئستیوالین داورلریندن ایدیم. اوخودوعوموز اثرلره اوشاقلارین آد- سانلارینی بیلمه دن نظر وئردیک . ایندی ایسه اوشاقلارین آدلارین، شکیل لری ایله برابر گوردوکده، بیر داها بو فئستیوالی یولا سالانلارین ایشلرینی آلقیشلاییب و دیلیمیزین- ادبیاتیمیزین دیرچلیشینه بیر داها دا اومید باغلاییریق. گلین بو اوشاقلارا یاردیم گوسترک: یاشاسینلار- اویرنسینلر- اوخوسونلار- تجربه ائسینلر و یاراتسینلار.

  3. آذربایجانین گله جکده کی اونلو یازار و شاعیرلری اولاجاقلار بو اوشاقلار. آذربایجان بالالارینا فخر ائتمه لی دی.

  4. سلام لار
    آللاه هامسینی ساغ-سالامات ائدیب، آذربایجانیمیزا و تورکجه میزه چوخ گؤرمه سین.
    بوتون آنامین یایلیغینا زحمت چکن اللر -اؤزللیکله دنیوی جنابلاری- وار اولسون.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *