«یعقوبی سرای» و «بصیر» عائله‌لرینه باش ساغلیغی
چوخ تاسفله، ادبیات سئور و مدنیتیمیزین حامیسی، دوستوموز «عبدالرضا یعقوبی سرای»ین عزیز قارداشی «غلامرضا یعقوبی سرای(قلی)نین غربت اؤلکه‌سینده حیاتدان آیریلما خبرینی ائشیتدیک. اوزون ایللر سیغیندیغی هلند اؤلکه‌سینده وطن حسرتی ایله یاشایان «قلی یعقوبی» ۶۵ یاشیندایکن کانسر خسته‌لیگی سببیندن اسفند آیی‌‍نین ۱۶نجی گونو حیاتینی ایتیرمیش و گؤزلری وطن و دوغما تورپاغا تیکیلی قالان حسرتلی‌لر کاروانینا قووشموشدور.
ایشیق- آذربایجان ادبیات و اینجه صنعت سایتی امکداشلاری آدیندان بو آجی ایتگینی حؤرمتلی «یعقوبی سرای» و «بصیر» عائله‌لرینه، خصوصیله ده عزیز دوستوموز«عبدالرضا یعقوبی سرای» و باجاریقلی یازیچی، قلمداشیمیز «ملیحه خانیم بصیر»ه باش ساغلیغی وئریر، بوتون چتینلیک‌لره رغمن شرفله عؤمرونو باشا ووران «قلی یعقوبی»نین عزیز خاطیره‌سینه عشق اولسون! دئییریک.
ایشیق- آذربایجان ادبیات و اینجه صنعت سایتی
۱۷/۱۲/۱۳۹۹
