ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

آذربایجان خالقینی دستک‌له‌ییریک؛
اشغال اولونموش بؤلگه‌لر گئری قایتاریلمالی‌دیر.
«ایشیق»

اوتوز ایله یاخین آذربایجانین قدیم مدنیت اوجاغی اولان قاراباغ بؤلگه‌سی و 25 ایلدن آرتیق آذربایجان اراضیسی‌نین آیریلماز حصه‌لری اولان «لاچین»، «کلبه‌جر»، «آغدام»، «فضولی»، «جبرائیل»، «قبادلی» و «زنگیلان» رایونلاری ارمنستان دولتی‌نین سیلاحلی بیرلشمه‌لری واسیطه‌سیله اشغال ائدیلمیشدیر. بین‌الخالق حقوق نورمالارینی کوبودجاسینا تاپدالایان اشغالچی دولت دینج اهالی علیهینه فاجعه‌لر تؤرتمیش، نئچه یوز مین آذربایجانلینی اؤز دوغما یوردلاریندان دیدرگین سالمیش و 35 مین‌دن آرتیق انسانین حیاتینی محو ائتمیشدیر.
مناقشه‌نی صلح یولو و دانیشیقلار واسطه‌سیله حل ائتمک ایسته‌ین «مینسک گروپو»نون فعالیتیندن 28 ایل‌ کئچمه‌سینه و بیرلشمیش ملت‌لر تشکیلاتی‌نین ارمنستان دولتی‌نین اشغالی علیهینه تصدیق ائتدیگی دؤرد قطعنامه‌‌سینه رغما، ارمنستان طرفیندن بو قطعنامه‌لرین حیاتا کئچمه‌سینه هئچ بیر مثبت رئاکسیا وئریلمه‌ییب و بو بین‌المللی قورومون طلباتی بو گونه قده‌ر جوابسیز قالیبدیر.
بوگون یئنی‌دن، اؤزونون تاريخي، مادي-مدنيت آبيده‌لري، زنگين ادبياتي، اينجه‌صنعتی و موسيقي مدنيتي ايله آذربایجانین مدنیت خزینه‌سینی زنگينلشديرن قاراباغ بؤلگه‌سي‌نین اشغالدان آزاد اولماسی گونده‌مه گلمیشدیر. بو یولدا آذربایجان خالقینی صمیمیتله دستکله‌ییریک؛ اونا اوغورلار آرزولاییریق و بیر داهادا قاراباغین آذربایجان تورپاغی اولماسینی و اشغال اولونموش بؤلگه‌لرین آذربایجان خالقینا گئری قایتاریلماسینی وورغولاییریق.

«ایشیق» – آذربایجان ادبیات و اینجه‌صنعت سایتی
12/07/1399

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *