استانبولدا بئش جيلدليک «آذربايجان ديلي‌نين ايضاحلي لوغتي» نشر اولونوب
manevr سایتی‌نین یایدیغی خبر اساسیندا، استانبولدا بئش جيلدليک «آذربايجان ديلي‌نين ايضاحلي لوغتي» عرب الیفباسیندا نشر اولونوبدور. کیتابین ترتيبچيسي اوزون ايللر فرانسادا ياشايان هم‌يئرليميز «محمدعلي تاج‌احمدی»دير. خيلي زحمت و گرگين امک حسابينا عرصه‌يه گلن «آذربايجان ديلي‌نين ايضاحلي لوغتي» 93000 سؤزدن عيبارتدير. لوغت آذربايجان ديلي‌نين اورفوقرافييا قايدالاري اساسيندا عرب قرافيکاسي ايله ترتيب اولونموشدور. هر بير سؤز آذربايجانين قديمدن تا بو گونه قده‌ر تانينميش شاعر و يازيچيلاري‌نين اثرلريندن نمونه‌لر وئريلميش، سؤزون هانسي معنادا، هانسي ساحه ده و نه مقصدله ايشلنديگي گؤستريلميشدير.
دونيانين آيري-آيري اؤلکه‌لرینده ياشايان آذربايجانلي‌لارين بير چوخونون بو اليفبايلا يازيب اوخودوغوندان، ديليميزي قورويوب ساخلاماغي باخيميندان «آذربايجان ديلي‌نين ايضاحلي لوغتي»نين درج اولونماسي، اؤنملی رول اوينايير.
لوغتين بيرينجي جيلدينده کي‌گيريش سؤزونده محمدعلی تاج‌احمدی، لوغتين عرصه‌يه گلمه‌سينده پاريسده شرق ديل‌لري و سيويليزاسييالاري اينستيتوتونون کئچميش رهبري، پروفسور Lui Bazenə و یونسکو کاتيبليگي‌نين کئچميش امکداشي «راميز آابوطالبوو»ا معنوي دسته‌يه گؤره اوز مننتدارليغيني بيلديرير.