چئویرن: ایشیق
ترجمه: ایشیق
ایشیق

شاعر «تورک اوغلو»نون خاطیره‌سینه یوتوب‌دا اؤزه‌ل بیر صحیفه آچیلمیشدیر

گؤرکملی آذربایجان شاعری «برجعلی قریشی» (تورک اوغلو)نون خاطیره‌سینه یوتوب‌دا عائله‌سی طرفیندن اؤزه‌ل بیر صحیفه آچیلمیشدیر. هله‌لیک بو صحیفه‌یه تورک اوغلویلا باغلی ویدئو کلیپ‌لر یئرلشدیریلمیشدیر.
اؤز صداقتی و صمیمیلیگی ایله ادبی جمعیتیمیزده بؤیوک حؤرمت قازانان اوستاد «تورک اوغلو»، ۱۳۱۷-نجی ایل «چاراویماق» ماحالی‌نین «شورقره» کندینده یوخسول بیر عائیله‌ده دونیایا گؤز آچمیش و معیشت آغیرلیغیندان یالنیز ابتدایی تحصیل آلا بیلمیشدیر. یئنی یئتمه یاشلاریندان تهرانا کؤچموش و عؤمرونون سون ایللرینه قده‌ر بو شهرده یاشامیش و «آیناساز» ایشچیسی کیمی ایشله‌میشدیر. ۷۸ یاشیندایکن، ۱۳۹۵نجی ایلین تیر آیی‌نین بئشینجی گونو حیاتینی ایتیرمیشدیر.
عؤمرونو آزادلیق و اجتماعی عدالت عشقیله باشا ووران، یارادیجیلیغینی صلح، امین آمانلیق، انسان آزادلیغی و زحمتکشلرین ایده‌آللاری کیمی بشری موضوعلارلا بزه‌ین آذربایجانین قوجامان شاعری «تورک اوغلو» اللینجی ایللرده ادبیاتیمیزا اوز گتیرمیش، ایلک شعرلری ائله بو ایللرده دوقتور «سلام‌اله جاوید»ین تشبثی‌ایله یاری گیزلی فعالیت ائده‌ن «دوستلار گؤروشو» درنه‌یینده یاییلمیشدیر.‌
«تورک اوغلو»نون یارادیجیلیغی‌نین پارلاق دؤورو آلتمیش و یئتمیشینجی ایللر اولموشدور و ایندییه قده‌ر «تپه‌یین داغی»، «آنا گؤزوم قان آغلاییر» و «چؤرک دردی» عنوانلاری آلتیندا اوچ شعر مجموعه‌سی ایشیق اوزو گؤرموشدور. باخمایاراق کی اونون یارادیجیلغی‌نین بؤیوک بیر قیسمی هله‌ده یاییلمامیشدیر.
اوستادین خاطیره‌سینه بو اؤزه‌ل صحیفه‌نی ایجاد ائدن عزیز دوستلارا بو شرفلی و تقدیره لاییق ایشلرینده اوغورلار دیله‌ییریک. ساغ اولسونلار.
اؤلمز شاعریمیز «تورک اوغلو»نون خاطیره‌سینه یوتوب‌دا آچیلان اؤزه‌ل صحیفه‌نین عنوانی بئله‌دیر:
https://www.youtube.com/playlist?list=PLmlftEKiDD4OeSPddFH4EQxk8LzVey0cY

یوتوب‌دا آختاریش یولو ایله‌ده بو اؤزل صحیفه‌یه ال تاپماق اولار. آختاریش سؤزو بئله‌دیر:
«شاعر تورک اوغلو خاطره‌سی»

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شاعر «تورک اوغلو»نون خاطیره‌سینه یوتوب‌دا اؤزه‌ل بیر صحیفه آچیلمیشدیر

ایشیق
www.ishiq.net

آذربایجان ادبیات و اینجه‌صنعت سایتی

شاعر «تورک اوغلو»نون خاطیره‌سینه یوتوب‌دا اؤزه‌ل بیر صحیفه آچیلمیشدیر

ایشیق
www.ishiq.net

آذربایجان ادبیات و اینجه‌صنعت سایتی

شاعر «تورک اوغلو»نون خاطیره‌سینه یوتوب‌دا اؤزه‌ل بیر صحیفه آچیلمیشدیر

ایشیق
www.ishiq.net

آذربایجان ادبیات و اینجه‌صنعت سایتی