چئویرن: ایشیق
ترجمه: ایشیق
ایشیق
00:00
00:00

آذربایجاندا یئنی‌دن گوجلو زلزله باش وئرمیشدیر

رسمی خبر آزانس‌لاری‌نین یایدیغی خبر اساسیندا اسفند آیی‌نین دؤردونجو گونو آذربایجانین غرب حصه‌سینده بیر گونده ایکی گوجلو زلزله باش وئرمیشدیر. بیرینجی زلزله سحر چاغی ساعات ۹/۲۲ راده‌لرینده ۵/۷ ریشتر مقیاسیندا «قطور» ماحالیندا، ایکینجیسی ایسه همن گون آخشام چاغی ساعات ۱۹/۳۰ راده‌لرینده ۵/۹ ریشتر مقیاسیندا «سلماس» ماحالی‌نین «زرآباد» بؤلگه‌سینده باش وئرمیشدیر. زلزله اورمو، تبریز، مرند، اوسکو، سلماس، چایپارا، ماکی، سهند شهرلرینده و تورکیه‌نین «وان» بؤلگه‌سینده ده حیس اولونموشدور.

آذربایجانین «خوی» ولایتینده باش وئرن بو ایکی زلزله‌ده یوزلر انسان یارالانمیش، ایلک معلوماتلارا اساسن ۵۰دن چوخ کندده ۳۰۰۰دن آرتیق کند ائولری ۵۰دن ۱۰۰فایزا قده‌ر خارابا قالمیش، الکتریک و تلفن شبکه‌لری جدی خسارت گؤرموش، اهالی‌نین یوزلر مال- قاراسی تلف اولموشدور. زلزله‌دن سونراکی ترپنیش‌لر دفعه‌لرله اوز وئرمیش و اهالی‌نین قورخوسونا سبب اولموشدور. «قطور» شهری، «مخین»، «کوتان آباد»، «بلجوک»، «گرناویک»، «رازی»، «یوسف آباد»، «حبش»، «گردیک»، «حصار»، «هندوان»، «زرآباد»، «چالیان»، «بورش خواران»، «روایان»، «میرعؤمر» و «گرماویچ» کندلری ان چوخ ضرر گؤرموش کندلر سیراسیندادیرلار.
«ایشیق» سایتی اؤز امکداشلاری آدیندان بو طبیعی فلاکتی ضرر گؤرموش وطنداشلاریمیزا، یاخینلارینی ایتیرن عائله‌لره و بوتون آذربایجان خالقینا باش ساغلیغی وئریر و اؤزونو بو عموم ملی ماتمده اورتاق بیلیر.

«ایشیق» – آذربایجان ادبیات و اینجه صنعت سایتی
۰۵/۱۲/۱۳۹۸

چاپ

دیدگاهتان را بنویسید

نشانی ایمیل شما منتشر نخواهد شد.

آذربایجاندا یئنی‌دن گوجلو زلزله باش وئرمیشدیر

ایشیق
www.ishiq.net

آذربایجان ادبیات و اینجه‌صنعت سایتی

آذربایجاندا یئنی‌دن گوجلو زلزله باش وئرمیشدیر

ایشیق
www.ishiq.net

آذربایجان ادبیات و اینجه‌صنعت سایتی

آذربایجاندا یئنی‌دن گوجلو زلزله باش وئرمیشدیر

ایشیق
www.ishiq.net

آذربایجان ادبیات و اینجه‌صنعت سایتی