چئویرن: ایشیق
ترجمه: ایشیق
ایشیق
00:00
00:00

داشقین باسمیش وطنداشلاریمیزا یاردیم ائده‌ک!

کئچن بیر هفته ده گلستان استانی(تورکمن صحرا) و مازندران استانی‌نین شرق حصه‌سینده آردیجیل یاغیش یاغما سببیندن داشقین‌لار یارانمیش و مینلر انسان سو محاصره‌سینده گرفتار اولموشدور. گرگان چایی طغیان ائتمیش، گلستان سدی داشمادادیر، یوللار کسیلمیش، بیر چوخ کند و شهرلر سو محاصره‌سینده قالمیش، بیر سیرا کندلر ایسه بوتؤولوکده سویا غرق اولموش و چوخلو مادی ضرر و زیان یارانمیش و یاییلان خبرلره استنادا بیر نئچه انسان جانینی الدن وئرمیشدیر.
تورکمن صحرا بؤلگه‌سینده «گمیشان»، «سیمین‌شهر»، «گلدشت»، «گنبد»، «مینودشت»، «آق قلا» و «مراوه‌تپه» شهرلری و «چنسولی»، «سیدلر»، «میرزاعلی یلقی»، «سلاق یلقی»، «قرنجیک پورامان»، «سقر یلقی» و «قانقرمه» و … کندلری‌نین اهالیسی چوخ آغیر دورومدا بو طبیعی حادثه ایله قارشیلانیبدیرلار. عینی حالدا، مازندران استانی‌نین شرق حصه‌سینده‌کی شهرلر و کندلر او جومله‌دن: «سیمرغ»، «کیاکلا»، «میاندورود»، «نکاه»، «قائمشهر»، «بهشهر»، «ساری» و «گلوگاه» بو طبیعی حادثه‌دن جدی ضرر گؤرموشلر.
چوخ تاسفله نوروز گونلری عرفه‌سینده اولدوغوندان و بیر چوخ دولت قوروملاری‌نین تعطیل اولماسی سببیندن، ضرر گؤرموش انسانلارا ائدیله‌جک یاردیملار لاییقینجه یئرینه یئتیریلمیر و انسانی بیر فاجعه‌ اوز وئرمکده‌دیر.
بو گون بو انسانی فاجعه‌نی دایاندیرماق و سو محاصره‌سینده گرفتار اولموش وطنداشلاریمیزین هارایینا های وئرمک و هر بیر مطمئن امکاندان استفاده ائده‌رک گرفتار اولموش هموطنلریمیزه یاردیم ائتمک قارشیمیزدا دوران وطنداشلیق و انسانلیق بورجوموزدور. داشقین باسمیش وطنداشلاریمیزی بو اوز وئره بیله‌جک انسانی بیر فاجعه‌دن قورویاق.

«ایشیق» آذربایجان ادبیات و اینجه صنعت سایتی
۰۲/۰۱/۱۳۹۸

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

دیدگاهتان را بنویسید

نشانی ایمیل شما منتشر نخواهد شد.

داشقین باسمیش وطنداشلاریمیزا یاردیم ائده‌ک!

ایشیق
www.ishiq.net

آذربایجان ادبیات و اینجه‌صنعت سایتی

داشقین باسمیش وطنداشلاریمیزا یاردیم ائده‌ک!

ایشیق
www.ishiq.net

آذربایجان ادبیات و اینجه‌صنعت سایتی