چئویرن: ایشیق
ترجمه: ایشیق
ایشیق

شاعیر «تانیش افسر»ین ختم مراسیمی شعرلی-شورلو کئچیریلدی
(بیر اشتراکچی‌نین گزارشی)

بو داغلا اولو داغلار
چشمه‌لی سولو داغلار
بوردا بیر غریب اؤلوب
گؤی کیشنر، بولود آغلار

حؤرمتلی شاعیر «تانیش افسر»ین ختم مراسیمی، تهرانپارسین امام رضا (ع) مسجدینده کئچیریلدی.
مجلیسده یانیقلی مرثیه اوخویان نوحه‌خوانین چیخیشیندن سونرا، یانیقلی شعر گئجه‌سی و دوست آیریلیغی مراسیمی کئچیریلدی.
مراسیمده شاعیرین دوستلاری و قلم یولداشلاری اؤز شعرلرینی و اورک سؤزلرینی تانیش افسرین یاسیندا اوخودولار.
تئز-تئز سس سیستیمی‌نین گئتمه‌سینه باخمایاراق، تانینمیش ادبیاتچی «علی‌تقی‌زاده لاریجان»، اوستاد شاعیر، «گولدورلو ولی»، شاعیر و ژورنالیست «سعید موغانلی» و… اؤز شعرلری و تأثراتلارینی مجلیسده‌کی‌لرله پایلاشدیلار.
مجلیسده اولان و شاعیرین بیر هفته بوندا اؤنجه «آچار» آدلی شعر کیتابینی نشر ائدن «دده‌قوربانی شعر اوجاغی»نین عضولری، اؤتن هفته قورولاجاق و شاعیرین آغیر خسته‌لیییندن لغو ائدیلن آغیرلاما مراسیمی‌نین، شاعیرین قیرخیندان سونرا «کیتاب تقدیماتی و آغیرلاما مراسمی»نین کئچیریله‌جه‌ییندن خبر وئریب، بوتون عالیم، شاعیر و تنقیدچی دوستلاریندان بو مراسیمه یاخیندان قاتیلمالارینی و ادبیات هوسکارلارینین، قلمداشلارینین و عایله-قوهوم-اقربانین بو مراسیمده اشتراک ائتمه‌لرینی ایسته‌دی.
ختم مراسیمی مسجدده اولان جوان روحانی‌نین گؤزل چیخیشی و تمیز دیل ایله دانیشماسی و اؤز سئوگیسینی دیلیمیزه اعلان ائتمکله باشا چاتدی.
مراسیمده، «دده قوربانی اوجاغی»، «صابر ادبی انجمنی»، «قاراداغ»، «مارال»، «آراز»، «کرج»، «خدافرین» ادبی انجمن‌لری، «آذری» نشریه‌سی، «یاشماق» ادبیات گروهو، و قاراداغین شاعیر و ادبیات هوسکارلاری اشتراک ائتمیشدیلر.
«دده‌قوربانی»، «صابر»، «آذری»، «یاشماق» جمع‌لری‌نین تورکجه چاپ اولموش استند، بنر و اعلانیه‌لری بوتون مراسیم و مسجدین ایچه‌ری و ائشیگینده گؤزه چارپیردی و اشتراکچیلارین دیل مباحثه‌سینه چئوریلمیشدی.
من‌له دانیشیرلار سیزلی گونلریم
سیزدن خاطیره‌لی ایزلی گونلریم
سیزدن اؤتمه‌یبب‌دی گیزلی گونلریم
هارا گئتسز منی تکجه قویمایین
“تانیش افسر”
۱۳۹۶/۴/۳۱

«ایشیق ادبی سایتی‌نین افتخاری عضوو» امضالی بیر اشتراکچی‌نین گزارشی

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شاعیر «تانیش افسر»ین ختم مراسیمی شعرلی-شورلو کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی

شاعیر «تانیش افسر»ین ختم مراسیمی شعرلی-شورلو کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی

شاعیر «تانیش افسر»ین ختم مراسیمی شعرلی-شورلو کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی