اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

آمبولانس قضاسیندا اردبیللی یازیچی جانینی الدن وئردی

چوخ تاسفله یاییلان خبر اساسیندا، اردبیللی یازیچی «لطف‌الله شیرین‌زبان» خرداد آیی‌نین ۱۴ینده اردبیلدن تهرانا گلرکن زنجان اطرافیندا ماشین قضاسی نتیجه‌سینده جانینی الدن وئرمیشدی. اردبیلین علوی خسته‌خاناسیندا پرستار صفتینده ایشله‌ین یازیچی بیر خسته‌نی آمبولانس‌لا تهرانین امام خمینی خسته‌خانسینا چاتدیرماق ماموریتینده‌ایمیش.
«لطف‌الله شیرین‌زبان» ۱۳۴۵نجی ایل دونیایا گؤز آچمیش، فارس و آذربایجان تورکجه‌سینده داستانلار موللیفی‌دیر. آنا دیلینده «قهوه‌خانا ناغیل‌لاری»، «قوردون یادیگاری» و «بیر گؤل ایکی بالیق» آدلاریندا اوچ کیتابی یاییلیبدیر. بوندان علاوه ۱۰ جیلددن آرتیق فارس دیلینده یادداشت و داستان احتوا ائدن کیتابلارین موللیفی‌دیر. او جومله‌دن: حکایات کهن، عشق و جنون، پوستین گرگ، داستان مقداد، بخوریم و بکوبیم، و دیگر هیچ، موسرخه، جنگل سبز، لطف پروردگار، مرگ عشق، عشقولانه پهلوان اکبر، سالاد کلمات و ….
«ایشیق» – آذربایجان ادبیات و اینجه صنعت سایتی بو ایتگی‌ایله باغلی «شیرین‌زبان» عائیله‌سینه و یازیچی‌نین دوست و تانیشلارینا باشینیز ساغ اولسون دئییر و مرحومون خاطیره‌سینی عزیزله‌ییر.

«ایشیق» – آذربایجان ادبیات و اینجه صنعت سایتی
۱۵/۳/۱۳۹۶

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *