اوخوماق زامانی: 3 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

دؤردونجو عاشیقلار بایرامی طنطنه‌لی کئچدی
محمدرضا کریمی باغبان

دؤردونجو عاشیقلار بایرامی فروردین آیی‌نین ۳۰دا مییانا شهرینده قورولدو. کئچن ایللرده بو مراسیم مردمی ییغینجاق ساییلاراق ائولرده قورولوردو، آنجاق بو ایل فرهنگ و ارشاد اداره‌سی طرفیندن مییانانین فرهنگسرا سالونو بو مراسیمه اختصاص وئریلدی و باشقا اداره‌لر ده اونونلا همکارلیق ائتدیلر. بونا گؤره طنطنه‌لی بیر مراسیم کئچیریلدی. بو بایرام مراسیمینی ترتیب ائده‌ن و هامیدان آرتیق چالیشان عاشیق عباس ستاری اولموشدور، اما اونلارجا مییانالی شاعیر، یازار و ادیب اونون آرخاسیندا دایانیب و بیرگه ایشله‌میشدیلر.
قورولتارا قوشولان عاشیقلار مییانادان علاوه آذربایجانین مختلف شهرلریندن ده گلمیشدیلر. مراسیم قرآن تلاوتی و اسلامی ایران جمهوروسونون ملی سرودو اوخوناندان سونرا ۲۰دن آرتیق عاشیق صحنه‌یه گلیب بیرگه کُر دسته‌سی اولاراق سس – سسه وئریب ماهنی اوخودولار. سونرا مییانانین بؤیوک صنعتکاری و شهرین قوجامان هنرمندی “آقای محمد بهجتی جنابلاری” قوناقلارا “خوش گلدین” دئییب، قورولتایی قورانلاردان دا منتدارلیغینی بیلدیردی. سونرا آذربایجانین دده عاشیغی اولان دونیا اؤدوللرینی قازانان خرمدره‌لی “عاشیق گلابعلی داوودبیگی” گؤزل سسی و سازی ایله مجلیسی ذووقا گتیردی. عاشیغی مشایعت ائده‌ن بالابانچی مهدی خدابنده اولموشدور.
اوستاد عاشیقلاریمیزدان اولان و ۱۵ جیلد شعر دفتری یازان و تبریزدن گلن “عاشیق غفار ایراهیمی” اؤز سازی و سؤزونو ایفا ائتدی.
“عاشیق گول احمد رستمی” تبریزدن گؤزل ماهنیلاریلا شنلیک یاراتدی.
سونرا دکتر “م. کریمی” عاشیق ادبیاتی و موسیقی‌سی حاققیندا دانیشدی. اونون دانیشیغی‌نین بورادا اوخویاجاقسانیز.
اهردن گلن “عاشیق اومود جباری” صحنه‌یه گلدی. اونو بالابانلا مشایعت ائده‌ن احمد عبداللهی اولدو.
“عاشیق علی پیچ کانلو” مییانادان مراسیمه قاتیلیب اؤز موسیقی‌سینی اجرا ائتدی. اونونلا برابر “اسماعیل توکلی” قاوال ایله اشتراک ائتدی.
“عاشیق امیر محمدی” تبریزدن گله‌رک گؤزل سسی و ایفاسی ایله مجلیسه یئنی بیر طراوت باغیشلادی.
“عاشیق حسن مهدی‌پور” و “عاشیق حسین‌نجفی‌فرد” تبریز عاشیقلاریندان بیرگه صحنه‌یه چیخیب گؤزل ایفالارینی اجرا ائتدیلر.
“عاشیق یزدان عبدالهی” مییانادان گؤزل ماهنی‌لاری ایفا ائتدی و اونو بالابان ایله مشایعت ائده‌ن “مهدی کاووسی” جنابلاری اولدو.
“عاشیق احمد قیشلاقی” تبریزدن اؤز وئرلیشینی اجرا ائتدی. عاشیق قشلاقی عئینی حالدا سازبند اوستادلاردان تانینیر.
“عاشیق رضا رضایی” اهردن سونرا کی ایفاچی عاشیق صحنه‌یه گلدی.
“عاشیق ابوالفضل صفرزاده” اهردن اؤز ایفاسینی اجرا ائتدی.
“عاشیق عباس ستاری” مییانانین اوستاد عاشیقلاریندان و بو مراسیم اوچون زحمتلره قاتلانان، هابئله شاعر و بسته‌کار عاشیغیمیز اؤز ایفاسینا گؤره سِن اوستونه چیخیر و یئنی بسله‌دیگی هاوانی – “قافلانتی هاواسی” آدلاندیراراق ایفا ائتدی و بوتون تاماشاچیلار و عاشیقلار طرفیندن آلقیشلاندی.
“عاشیق فرمان خانی” اهر عاشیقلاریندان چیخیش ائدیب و “بهمن محیطی” ده اونو قاوال ایله مشایعت ائتدی.
“عاشیق میلاد بابائی” مییانا عاشیقلاریندان اؤز برنامه‌سینی تاماشایا قویدو.
“عاشیق حمزه خدری” مییانا عاشیقلاریندا سازیلا ماهنی لار اوخودو.
“عاشیق اسرافیل عبدالهی” یئنه مییانا عاشیقلاریندان سن اوستونه چیخیب برنامه‌سینی اجرا ائتدی.
خالخالدان گلن “عاشیق‌نعمت محیطی” قارداشی ایله بیرگه گؤزل ماهنیلار اوخودولار و خالخال شکسته‌سینی ده تاماشاچیلارین ایسته یی اساسیندا اجرا ائتدیلر.
“عاشیق حسن مهدی پور” یئنه صحنه ده اؤز صنعتینی گؤستردی.
مییانا عاشیقلاریندا “بیژن دایوبه” و سونرا “عاشیق اومود جباری” گؤزل ایفالار ائدیب و وئرلیشین سونوندا عاشیقلاردان تقدیر اولوندو. بو مراسیم ساعات ۱۵/۵۰ده باشلاییب ساعات ۲۰ ده سونا چاتدی و تاماشاچیلار گؤزل بیر خاطیره ایله ائولرینه دؤندولر. بو گؤزل مراسیمین آپاریجیسی مییانانین گوجلو شاعیری “تایماز مییانالی” – جلیل درهمجانی جنابلاری اولموشدور.
گؤزل و اوره‌یی اوخشایان صحنه‌لر بو مراسیمده چوخ اولدو، آنجاق قورولتایا قاتیلان بیر چوخلو صنعتکارلار، فیلم، تئاتر، خطاطلیق و باشقا صنعتلرین ده‌یرلی صنعتکارلاری، دانشگاه اوستادلاری، مییانا شهری‌نین موسیقی و عاشیقلیق هوسکارلاری، اؤزه للیکله شهرین گؤزل و گوجلو شاعیرلری آقالار: ارشد‌نظری، حسین رزمی، دومان بختیاری، یوسف جوادی و باشقالاری مجلیسه داها گؤزللیک وئرمیشدی. موسیقی هوسکارلاری اولان شهرین گنج و غیرتلی شاعیرلری اؤز تلاشلاریلا مجلیسین داها انتظاملی و گؤزل چیخیشینا یاردیمچی اولموشدولار. ایشالله گلن ایللر و گلن برنامه‌لر بوندا داها گؤزل و آردیجیل داوام تاپسین.

دقت: بو تدبیرین شکیللری الیمیزه چاتدیقدا یاییلاجاقدیر.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *