چئویرن: ایشیق
ترجمه: ایشیق
ایشیق

Picture4
زنگاندا “خمسه آدینا دیل و مدنیت اوجاغی”‌نین آچیلیش مراسیمی
محمدرضا کریمی

چرشنبه گونو اردیبهشت آیی‌نین بیرینده زنگانین امام خمینی فرهنگسراسیندا “خمسه آدینا دیل و مدنیت اوجاغی”‌نین آچیلیش مراسیمی کئچیریلدی. بو مراسیمده اوجاغین دعوتی ایله استاندارینین امور اجتماعی مدیر کلّی، ارشاد اداره‌سی‌نین مدیر کلّی و باشقا اداره‌لرین رئیس لریندن علاوه، زنگانین یازیچیلار، شاعیرلر، صنتکارلار، آشیقلار، تدقیقاتچیلار و بیر چوخ تورک دیلی و ادبیاتی علاقمندلری اشتراک ائتدیلر. ایلک اؤنجه اوجاغین آغ ساققاللاری طرفیندن قوناقلارا خوش گلدین دئییلیب، ارشاد اداره‌سی‌نین مدیر کلّی آقای مقدم دانیشدیلار و بو اوجاغا نئجه اومود باغلادیقلارینی و “بنیاد فرهنگ آذربایجان”ین زنگان اوستانیندا باشلانیشینی آلقیشلادیلار. سونرا استانداری‌نین امور اجتماعی مدیرکلّی دانیشاراق، زنگاندا ۳۵۰ مؤسسه‌نین اولدوغوندان دانیشیب آنجاق بو مؤسسه اوچون اؤزه‌ل بیر اومود باغلادیقلارینی سؤیله‌دیلر. همین مراسیمده اوجاغین مجوز پیتیگینی اوجاغین مدیر عاملی اولان م. کریمی‌یه اهداء ائتدیلر. وئرلیشین داوامیندا اوجاغین هیئت مدیره رئیسی دانیشدیلار و بوتون هنرمندلرین، تدقیقاتچیلارین، تورک دیلینده یازانلارین، فولکولوروموزو توپلایانلارین، الیازما نسخه‌لرین آچیقلاماسیندا چالیشانلارین هامیسینی بو اوجاقلا ایش بیرلیگی ائتمه‌لرینی ایسته‌دیلر.
مراسیمین آراسیندا آشیقلار اؤز گؤزه‌ل موسیقی‌لریله بو تؤره‌نه شادلیق باغیشلادیلار. بورادا زنگانین قوجامان و ده‌یرلی آشیغی اولان گلابعلی داوودی جنابلاری اؤز گؤزه‌ل شعرلریله برابر سازلارینی دیله گتیردیلر. وئرلیشین باشقا بیر بؤلومونده باشقا موسیقیچی آشیق داوود داوود بیگی ده ساز و سؤزلریله مجلیسده شنلیک یاراتدیلار. بو مراسیمین باشقا بیر بؤلومونده کتابدان قوواق قاپما مراسیمی ده کئچیریلدی. بورادا م. کریمی‌نین نشر اولان “دیوان جاذب” کتابیندان رونمایی اولوندو. بو کتاب همین اوجاق طریقی ایله یاییلمیشدیر. ایکینجی کتاب، ۱۲ جیلدلیک “تاریخ ادبیات آذربایجان” اولدو. بو کتاب تهرانین بین‌المللی کتاب سرگیسینده یاییلیب ساتیشا قویولاجاقدیر. مراسیمین سون بؤلومونده اوجاغین دفترینه طرف یولا دوشوب و روبانی قیچی ایله کسه‌رک، اوجاق قانونی صورتده ایشه باشلادی. اوستانین مسئوللاری و یازیچی – تدقیقاتچیلار اوجاقدان بیر درگی و انتشاراتین یولا سالماسینی ایسته‌دیلر و بو آلاندا سوروملو مودیرلر ده اوجاغا یاردیم ائتمه‌یی سؤز وئردیلر. مراسیم ساعات ۶دا باشلاناراق ۸٫۵دا گؤزه ل دویغولو آنلاری کئچیرده‌رک سونا چاتدی.

چاپ

3 پاسخ

  1. چوخ سئویندیک. مراسیمده ده اشتراک ائتدیک و سئوینجلریمیزی دوکتور کریمی جنابلارینا چاتدیردیق. دوکتور کریمی جاندان مایا قویموش و آنادیلیمیز اوغروندا جانینی، مالینی و عمرونی اسیرگه مه میشدیر. وار اولسون بئله اوغوللار. آرزیلیریق بو اوجاق فرهنگستان ایشینی گؤره بیلسین. هامی چالیشانلارینا دا جان ساغلیغی دیله ییرم.

  2. سلام و سایعیلارلا آدذربایجانیمیزین چالیشقان اوغلو دوکتورمحمذرضآ کرئمی وامکداشلارینا اوغورلار دیله ییرم. او، همیشه اوعورلو یوللارین اراده لی یولچولاریندان اولوبدور… ائل اوغلو ۲اردیبهشت۹۵

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

زنگاندا “خمسه آدینا دیل و مدنیت اوجاغی”‌نین آچیلیش مراسیمی/ محمدرضا کریمی

ایشیق
www.ishiq.net

آذربایجان ادبیات و اینجه‌صنعت سایتی

زنگاندا “خمسه آدینا دیل و مدنیت اوجاغی”‌نین آچیلیش مراسیمی/ محمدرضا کریمی

ایشیق
www.ishiq.net

آذربایجان ادبیات و اینجه‌صنعت سایتی

زنگاندا “خمسه آدینا دیل و مدنیت اوجاغی”‌نین آچیلیش مراسیمی/ محمدرضا کریمی

ایشیق
www.ishiq.net

آذربایجان ادبیات و اینجه‌صنعت سایتی