ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

photo_2015-12-08_22-03-35

mirali

آذربایجان و تورک اسطوره‌لری زمینینده اوزون ایللر تدقیق آپاران آذربایجانین تانینمیش اجتماعی شخصیتی و تدقیقاتچیسی «میرعلی سید سلامت»ین یئنی اثری ایشیق اوزو گؤردو. «کتاب دده قورقود(قورد رب‌النوعونون گزارشی تانریلار توپلومونا) عنوانیله یاییلان بو کیتاب، ۶۷۱ صحیفه‌ده هلتاک انتشاراتی طرفیندن یاییلمیشدیر.
کیتابی ۲۵ مین تومنه تهران، تبریز و آذربایجانین باشقا شهرلرینده آنا دیلینده یاییلان کیتابلاری ساتان کیتاب ماغازالاریندان الده ائتمک مومکوندور.

***

 کیتابین بیر حصه‌سینده اوخویوروق:
« دده قورقود کیتابی، بیر کامیل توتئمیستی دونیا گؤروشونون ، دؤرد دن بیر حیصه‌سی ساییلیر و بو اسکی دونیا گؤروشو موختلیف قایناقلاردان الده اولا بیلیر. حال حاضیرده بیزیم کولتورده، آیری بیان‌لار فرقلی فورماسیون‌لاردان آسیلی، الیمیزده وار:
۱- بیرینجی اولاراق، ان اسکی بیان، آشیقلار بیانی «اصلی- کرم» و «آشیق غریب» داستانلاری.
۲- ایکینجی بیان؛ اوغوزنامه و کیتاب دده قورقود.
۳- موسیقائی «موقامات» بیانی: یک گاه، دوگاه، سه گاه، چهارگاه.
۴- طبیعی سمبول‌لار بیانی: ایل بؤلگوسو، آی بؤلگوسو، فصیل بؤلگوسو و گونلرین آدی.
۵- آیین- اویون مراسیم‌لری‌نین ایفا وسیله‌سی، بوللورلانمیش متحرک شعرلریمیز رقص‌لر، (اورنک) ساری گلین، قایتاغی…
۶- افسانه‌لر و داستانلاریمیز، (اورنک): «ملیک محمد» «ملیک جومشود…».
۷- مذهبی بیان‌لار، (اورنک): «شامانیزم، میترائیسم، زرتشتی‌لیک، مانی‌چی‌لیک…».
۸- داش قازینتی‌لاری، «قاراداغ»، «فرانسه- اسپانیا» تاپیناجاقلاری، قوبوستان…
دده قورقود کیتابینین آدینا گؤره موختلیف باخیشلاردان، یوزولمالار گئدیب و گئدیر. اؤرنک اولاراق قورقود سؤزون  [قور] [قوت]، قیغیلجیم و اودلا ایلگی‌لی وئریب‌لر، یا کیتاب سؤزونو، آرتیق گؤرنلرده وار… »

یک پاسخ

  1. عزیر محقق لریمیز حتما تاریخی کتابلاری مجازی یولی نان اوز ملتمیزین اختیارندا قویسوننار. بوگون گرک همت ائلییک اؤز دیلیمیزی نرم افرار وسیله‌سینن ترویج وئرک. چون عزیز تورک ملتمیزین اوشاخلاری تورکی بیلمیرلر. بولارا گرک برنامه‌نویسی یولی‌نان اؤز مهندس‌لریمیز همت ائلییب یازالار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *