«عاشیق محمد نباتی»نین خاطیره آخشامی

شنبه گونو (ایکی گون اؤنجه) حیاتا گؤز یومموش آذربایجانین تانینمیش عاشیقی «محمد نباتی»‌نین واختسیز اؤلوموایله علاقه‌دار هریس، قاراداغ و آذربایجانین دیگر ماحاللاریندا یاشایان عاشیق صنعتی وورغونلاری‌نین اشتراکی‌ایله خاطیره آخشامی کئچیریله‌جک. بو مراسیم سه‌شنبه شهریور آیی‌نین اوچونجو گونو عاشیق محمد نباتی‌نین عائیله‌سی، قوهوم اقرباسی، دوست تانیشلاری و ماحالین یئرلی دولت اورگانلاری طرفیندن ورزقان ماحالی‌نین چایکندی کندینده قورولاجاقدیر.