بوگون دوشنبه 30 فروردین 1400 ساعات 13:47
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

۱۰۴۴۴۴۳۳_۸۸۶۳۹۹۵۰۱۴۱۰۵۷۷_۶۳۵۱۸۵۸۷۱۶۶۲۹۹۶۵۸۹۳_n
«آذرپویا» عائیله‌سینه باش ساغلیغی

چوخ تاسفله، الیمیزه چاتان خبر اساسیندا ادبی جمعیتیمیزین باشقا بیر ده‌یرلی عضوی‌ده آرامیزدان کؤچموشدور. «آذرپویا»  تخلصلی ترجمه‌چی و ناشر محمدنقی ناصرالفقرا بهمن آیی‌نین ۲۰ینجی گونو ۵۴ یاشیندا تبریز شهرینده وفات ائتمیشدیر. آذرپویا داها آرتیق «حافظ شیرازی» دیوانی‌نین ترجمه‌چیسی کیمی تانینیردی. عینی حالدا او بیر سیرا آذربایجان تورکجه‌سینده یاییلان کیتابلارین ائدیتورو اولموشدور. آذر پویانین جنازه‌سی بو گون ساعات ۱۰دا تبریزین وادی‌رحمت مزارلیغینین “هنرمندان” قطعه‌سینده تورپاغا تاپشیریلمیش و اونون شام غریبان مراسیمی ایسه  ائله سه‌شنبه گونو ساعات ۳/۵ دان ۵ قده‌ر شاه‌گؤلو بولواریندا یئرلشن امام رضا مسجیدینده اولاجاقدیر.
بیز بو اغیر ایتگینی ادبی جمعیتیمیزه و خصوصی اولاراق آذرپویا عائیله‌سینه تسلیت دئییب، مرحومون حافظ شیرازی‌دن ترجمه‌ائتدیگی بیر غزلی‌ایله خاطیره‌سینی عزیزله‌ییریک.

اماندیر سنله‌یم ساقی گتیر باده ایچه ائل‌لر
کی عشق آسان ایمیش اول سورا باشلاندی موشکوللر
بو آرزی ایله کی اول ساچدان صبا عنبر ساچار بیرگون
تؤرندی قاب قارا قیوریملی ساچدان بوللو نیسگیللر
نئجه جانان ائوینده دینجلیم بیر حالدا کی هر آن
دؤهوللر هایلاییر باغلا یوکون یوللاندی محمل‌لر
بویا سجاده‌می‌له وئرسه موغلار پیری فتواسین
بیلیر یول یؤندمین عارف کؤچورموش چوخلو منزل‌لر
قارانلیغدیر گئجه، دهشتلی‌دیر دالغا، بورولغانلار
نه بیلسینلر بیزیم حالی گزنلر مئهلی ساحل‌لر
هوسکار اولدوغومدان عاقبت روسوایلیغا چاتدیم
نئجه گیزلین قالا بیر سیر کی ازبردیر بوتون دیل‌لر
حضورون «آذر» ایسترسن، دور اولما یاردان غایب
بوشا دونیانین اسبابین یاشا حافظ کیمی ایل‌لر

2 پاسخ

  1. باجاریقلی ترجومه چی ، اساسلی شاعیر و یازیچیمیز «آذرپویا» (محمد نقی ناصرالفقرا )نین وفاتینی آذربایجانیمیزین ادبیّات سئورلرینه،شاعیرو یازارلارینا و محترم آذر پویا عائله سینه باش ساغلیغی دئیرم. بیز اونون یوکسک ادبی باجاریغینی شیرازلی حافیظ ین غزللرینین تورکجه یه ترجومه سینده، ائله جه ده اوستاد شهریارین حیدرباباسی نین فاسجایا ترجومه لرینده باشا دوشه بیلیریک .او ، عرفانی دوشونجه لریله، چاغداش آذربایجان اینسانی نین هومانیست دویغولارینی اثرلرینده عکس ائتدیرن معاریف پرور شخصیتلریمیزدن بیری ایدی .روحو شاد اولسون یولو داواملی. // تهران ائل اوغلو

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *