بوگون چهارشنبه 25 فروردین 1400 ساعات 16:57
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

باشین ساغ اولسون آذربایجان!(بیانیه)
ملی و مبارز شاعریمیز “هاشیم ترلان” ابدیته قوووشدو
LEAD Technologies Inc. V1.01

آبان آیی‌نین ۲۵ینجی گونونون یاری گئجه‌سینده آذربایجان خالقی‌نین شاعر اوغلو، آزادلیق، اجتماعی عدالت و بشری ایده‌آللار مودافعه‌چیسی، دیلیمیزین، ادبیاتیمیزین و مدنیتیمیزین اینکیشافیندا یورولمازجاسینا ۷۰ ایلدن آرتیق چالیشان و تاثیر ائدیجی ایز بوراخان ۲۱ آذر نهضتی‌نین اشتراکچیسی علی چشم‌آلوسی(اوستاد هاشیم ترلان) ابدیته قوووشدو.
هاشیم ترلان تکجه ادبیاتیمیزین و مدنیتیمیزین چیچکلنمه‌سینده یوخ، اجتماعی بیر شخصیت سیماسیندادا بیر چوخ گنج و اورتا نسیلین شخصیتی‌نین فورمالاشماسیندا قویدوغو تعیین ائدیجی تاثیری باخیمیندان، خالقیمیزین یادداشیندا ابدیلشن شخصیتلریمیزدندیر. اونو تام معنادا دونه‌نین و بو گونون ملی و مبارز شاعری آدلاندیرساق، یانیلمامیشیق. چونکو اوستاد هاشیم ترلانین یارادیجیلیق حیاتی‌نین بوتونو دموکراتیک و ملی طلبات، خالق‌لار دوستلوغو، اجتماعی عدالت، آزادلیق، صلح، امن- آمانلیق و برابرلیک کیمی موضوعلاردان سوواریلیب، یوغرولوب و پوئتیک دیلده اؤز بدیعی عکسینی تاپمیشدیر.
۱۳۰۲ینجی ایل باکی شهرینده، آلان‌براغوش ماحالی‌نین زنگیل‌آوا کندیندن بیر تیکه چؤره‌ک آردینجا آرازین او تایینا کؤچن بیر عائیله‌ده دوغولان هاشیم ترلان بو گون آرامیزدان کؤچوبدور؛ آنجاق اونون معاصر ادبیاتیمیزین روحونا هوپان و تاثیری زامان- زامان خالقین معنویاتیندا یاشایان یارادیجیلیق یولو هله‌ده داوام تاپاجاقدیر و یئنه‌ده ادبیات و مدنیتیمیزین یول گؤستریجیسی اولماسیلا برابر، اجتماعی مبارزه یوللاریمیزا ایشیق ساچاجاقدیر.
حیات طرزی و یارادیجیلیق یوللارینا فخر ائده‌جه‌ییمیز اوستاد هاشیم ترلان‌ین آغیر ایتگیسی بوتون ادبیات و مدنیتیمیزده اوز وئرن سارسیدیجی بیر ایتگی‌دیر. بیز “ایشیق” (آذربایجان ادبیات و اینجه صنعت درگیسی) امکداشلاری آدیندان بو آغیر ایتگینی خالقیمیزا، آذربایجان میللتینه، ادبی- مدنی جمعیتیمیزه و اوستادین حؤرمتلی عائیله‌سینه – باشینیز ساغ اولسون! دئییریک؛ اوستادین شرفلی و عزیز خاطیره‌سینی عزیزله‌ییریک و همیشه اولدوغو کیمی اونون معنوی ارثیندن قیدالانماغی اؤز ادبی- مدنی عؤمروموزه و یارادیجیلق یوللاریمیزا یاراشیق ساییریق.

قوی اؤلوم سئوینمه‌سین عؤمرونو وئرمیر بادا-
ائل قدرینی جانیندان داها عزیز بیلن‌لر
شیرین بیر خاطیره تک قالاجاقدیر دونیادا
سئوه‌رک یاشایانلار، سئویله‌رک اؤلن‌لر

“ایشیق”- اذربایجان ادبیات و اینجه‌صنعت درگیسی
۲۶ آبان ۱۳۹۳

5 پاسخ

  1. آزربایجان باشین ساغ اولسون

    اسدی قره یئل یئنه
    کسدی قره یئل یئنه
    بسدی قره یئل یئنه
    آلما منیم جانیمی.
    قوی بو گئجه پارتداسین
    ظولم ایاغین قارتداسین
    حسرتله ریم چارتداسین
    اؤز اؤلکه مین دؤشونده
    آلساندا آل جانیمی.

  2. Allah rehmet eylesin aci ve ağır heyat yolu olmuş amma heyatin sonlarinda siz gözel insanlar doslari emkdaşlari son evinedek arxa olmuşsiniz helal olsun sizlere

  3. Gəlimli, gedimli dünya

    Azərbaycan milli hikumətinin yadigari, ədəbiyyat səmasının ışıq ulduzlarından biri sayılan Milli və mübariz şairimiz, Əli Çeşmalusi (ustad Haşım Tərlan)-nin acı ölüm xəbəri ürəyimizi dərindən kədərləndirdi. Görkəmli şair ustad Haşım tərlanın xatirəsi Azərbaycan xalqının ürəyində həmişə yaşayacaqdır.
    Bu ağır itkiylə əlaqədər olaraq “Varlığın səsi” dərgisinin redaksiyası dərin hüzünlə başsağlığı verir, xalqımıza və mərhumun ailə üzvlərinə səbr diləyirik.
    Allah rəhmət eləsin!
    “Varlığın səsi” dərgisinin redaksiyası
    ۲۰۱۴-۱۱-۱۷

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *