ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

قاریشقالارین شاهی
علی فرضی زاده (سئل اوغلو)

يئرسيز گلدي دئـيـيـرلـر
يئرلي قاچسين هـر تَـهَـر
ها، بئله ديـر اوشـاقـلار
بئلنچي بيـر نـاغيـل وار:

قاريشقـالاريـن  شـاهـي
ائشـيـتـدي  داد و آهـي
گؤردو اوجا  قـالمـاقـال
تكرار اولـور دال بـا دال
چاغيردي بير  ديل  بيلـن
سوروشدو: بو های نه دن؟
سؤیله‌دی او دیل بیلن
اؤز ائلینین وضعیندن
دئدی قوربان اولوم شاه
تالان اولوب ائلیم، آه
شاما بيزه بـيـر نـئـچـه
قاريشقا گلـدي گـئـجـه
بیر یئر ایسته دیلر تک
صاباح آچيلسين گؤرک
وئردیک اونلارا پـنـاه
گئده‌جکدیلر  صابـاح
بير گئجه ليك قالـديـلار
عاقليـمـيـزي آلـديـلار
كئچدي نئچه ايل بـئـلـه
سالدي بيزي مُوشـكـولـه
ايندي كؤچون دئيـيـرلـر
ديللَـه نَـنـي دؤيـورلـر
روزومـوزو آلـيـبلار
بیزی چؤله سـالـيـبلار
بيز دئييريك يورد  بيزيـم
اونلار دئيير : وار ایزیم
قونشولارد اونلاردان
آرخا دورور هـر زامـان
دئييرلر كي سيز  چيخيـن
هر نه‌ييزي تئز  ييغـيـن
بيز بو يولدا يـورولـسـاق
هامميليغا قـيـريـلـسـاق
حقيميزدن  كئچـمه‌ريـک
يورد بيزيمدي کؤچمه‌ریک
هر نه اولور قوي  اولسون
قارا قيزا توي  اولـسـون.
×××
ائشیتجک بو سؤزو شاه
دئدی سیزیندیر گوناه
تختدن قالخیب بـاغيردي
نعره چكيب  چيغـيـردي
فرمان وئردي سيز كؤچون
باشقا يئرده ائو تيـكـيـن
حق اونلارين حقـقـي دي
حققي  آچـار حـق آدي
گئدين كؤچون دينمه ميش
چراغلاريز سؤنمه ميـش
×××
ائشیتدیکجه بو سؤزو
او دیل بیلنین اؤزو
اومیدین کسدی شاهدان
درباردان چیخدی او آن
گليب يئتيـشـدي ائـلـه
یوردا دوشدو ولوله
چاغيردي یوردداش‌لارین
بیرده یول- یولداش لارین
آچدی بو جور سؤز دئدی:
داش بيزه شاهدان ده‌یدی
شاه اؤزو ظولم ائدندی
ظولمه يول اؤیردندی
ياد گلـيـب اورتـامـيـزا
بـيـزلـره فـرمـان يـازا
ال بير اولاق کئچمیش تـك
ايش گؤرمه‌یک تك به تك
تا كي کسک يـاد  الـيـن
گوج بیرلیکده‌دیر بیلین
همت ائده ك  بيرلیگه
سس وئره‌یین دیریلیگه
هر نه يي آيدين  گؤرک
بلکه بیزده گون گؤره‌ک
قورولسون دوزگون ديـوان
آخسادا  گر چوخلو قـان.
×××
ال بیر اولدو هامی ائل
دؤیوشه باغلاندی بئل
غصب‌کارلار قووولدو
ظولمون گؤزو اووولدو
چيخدي هامي كؤلگه دن
قووولدو ياد  اؤلـكـه دن
اوچدو شاهيـن  دربـاري
چيخدي الـيـنـدن  واري
تختدن يئره  سـالـيـنـدي
اوندان قیصـاص  آلـيـنـدي
×××
بير ليك ايلـه اوشـاقـلار
حققين آلار قـوچـاقـلار.
بيرليك گوجو سئلده يوخ
عملده دي ، ديلـده يـوخ

یک پاسخ

  1. رَبَّنَا اغْفِرْ لِی وَلِوَالِدَیَّ وَلِلْمُؤْمِنِینَ یَوْمَ یَقُومُ الْحِسَابُ
    خداوندعلی‌فرضی‌زاده‌را رحمت‌کند

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *