جوما ائرته‌سینده‌کی…
شریفه جعفری
-اوره‌يي‌نين سسيني دينله!- دئديلر
دوغرو يولا گؤتورور سني؛
دوشدوم آرخاسينا
سنده بولدوم اؤزومو
و جوما ائرته‌سينده‌کي قيپ-قيرميزي چيلپاق دويغولاردا.
گئديش او گئديش…
شعیرلر يازيلدي اوندان سونرا
کيملر اؤزونه آلدي
کيملر فيکيره دالدي؛
حالا اؤزله‌ييرم سني و جوما ائرته‌سي‌لري
آمما قلبيمين سسينه بوراخميرام داها اؤزومو،
هر بوراخديغيمدا ساعاتلارجا
غورور قيريخلاريمي توپلاديم چونکي…
يا بو سؤز يالانميش،
يادا منيم اوره‌ييم او جوما ائرته‌سيندن بري سرخوش.