چئویرن: ایشیق
ترجمه: ایشیق
ایشیق
00:00
00:00

hasan ildirim
چؤره‌ک قاچیر، بیز قاچیریق
حسن ایلدیریم

دینگ … دانگ
دینگ … دانگ

اویان!
اویان!
اویانیریق یوخولاردان:
قارانلیقدیر او یان، بو یان.

چیق … چیق
چیق … چیق
یوخو یاریمچیق، گئجه یاریمچیق.

یولا چیخ!
یولا چیخ!
قارین یاریمچیق، تیکه یاریمچیق!؟

آت قاچ!
آت قاچ!
چؤره‌ک قاچدی سن ده قاچ!
چؤره‌ک قاچدی سن ده قاچ!

قاچیریق
قاچیریق
چؤره‌ک آتلی، بیز پیادا
چؤره‌ک آتلی، بیز پیادا.

تاق، تاق – چکیش، دمیر
تاق، تاق – چکیش، دمیر
قیژ، قیژ – اوراق، زمی
ویژ، ویژ – موشار، آغاج
تیق، تیق – قلم، کاغاذ.

چکیش، برکیش
آلیش، وئریش
داوا، دالاش

قاچ، قاچ
قاچ، قاچ

چؤره‌ک قاچیر
بیز قاچیریق،
چؤره‌ک قاچیر
بیز قاچیریق،
قاچیریق، تاپیریق
توتوروق، تیخیریق
یاتیریق، دوروروق

قاچ، تاپ!
توت، تیخ!
تیخ، یات!

یات، دور!
دور، قاچ!
قاچ، قاچ!

چؤره‌ک آتلی بیز پیادا
چؤره‌ک آتلی بیز پیادا
قاچیریق
قاچیریق.

قارین سبد- روزو داری،
ساخلا دوشوم!
ساخلا دوشوم!
آللاه کسسین
بو قاتاری!
تهران- ۱۳۷۲

چاپ

دیدگاهتان را بنویسید

نشانی ایمیل شما منتشر نخواهد شد.

چؤره‌ک قاچیر، بیز قاچیریق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

چؤره‌ک قاچیر، بیز قاچیریق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

چؤره‌ک قاچیر، بیز قاچیریق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی