چئویرن: حمید آرش آزاد
ترجمه: حمید آرش آزاد
حمید آرش آزاد

بیر وقت، گز‌نده بو گؤزه‌ل یار خیابان‌دا
بیر سَروِ خُرامان‌ایدی، سیّار خیابان‌دا
ایندی اگیلیب قامتی من تک، گؤزو گؤرمور
ال‌ده عصا، گزمک‌ده‌دیر آخسار خیابان‌دا
اوندا دولاشاردیق کی، گؤره‌ک «تئریا» هایاندا؟
ایندی باخیریق، هاردا «مطب» وار خیابان‌دا؟!
چکدیک خیابان‌لارکی، جوان‌لار ائده جؤولان
جؤولان ائله‌ییر ایندی سیچان‌لار خیابان‌دا
باخ توستویه، توز- تورپاغا، هم سس- کویو دینله
مین‌لرله ماشین وار بو کیچیک – دار خیابان‌دا
لندن- نیویورک، اللی دنه «بورس» ساتانمیر
میلیون‌لا گزیر بوردا خریدار خیابان‌دا
«بورس» آل- وئرینی بوشلا، «سهام» دان‌دا گؤزون اؤرت
عرضه ائله میلیون قوطو سیگار خیابان‌دا
کئچدی او زمان‌کی، لوطولار بوردا گزه‌ردی
جؤولان ائدیری ایندی گؤزه‌ل یار خیابان‌دا
دلبر، یانینا خارجی- خیردا «تولا» سالمیش
نازلا دولانیر، ال‌ده‌ده اووسار، خیابان‌دا
ایت‌لرده اولوب قرتی، بالا قولچاغا بنزه‌ر
گاهدان‌دا چکیر توک‌لره سشوار خیابان‌دا
بیردن گؤروروک جدّی- درین بحث‌لر اولدو
چوخ معنالی، حکمت‌لی‌دیر افکار خیابان‌دا
بیر عدّه سئویر یاز- یایی، مانتو یاشیل اولسون
بعضی سؤله‌ییر: «چک اوجا دیوار خیابان‌دا»!
یوزمین یولون اولسا، یانینا سال ایکی یوز «گارد»
چون‌کی، موتور اوستده گزیر اشرار خیابان‌دا
آچمیش بساطین دستفروش‌لار، نئچه مین جور
وار فرش ساتان، فالچی، هم عطار خیابان‌دا
«آرش»! سؤزو کس، تئزجه اکیل، اورتادا دورما
گؤردون یاخانی توتدو طلبکار خیابان‌دا

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

خیابان‌دا…!

حمید آرش آزاد
www.ishiq.net

آذربایجان ادبیات و اینجه‌صنعت سایتی

خیابان‌دا…!

حمید آرش آزاد
www.ishiq.net

آذربایجان ادبیات و اینجه‌صنعت سایتی

خیابان‌دا…!

حمید آرش آزاد
www.ishiq.net

آذربایجان ادبیات و اینجه‌صنعت سایتی