معلم‌لر
سعید امیردادبر
آستا گل، آستا دانیش ، آستا قولاق وئـر سـؤزونـه
بــو مـلاحـتـلــه دانـیـشـمـاق یارانیبدیـر اؤزونــــه
آللاهین وئرگیسی‌دیر قوربان اولوم من گــؤزونــه
گؤزلری آیدین ائده‌ن دیللره قـوربــان من اوغـــول
او شیرین سؤزلرینه اولموشام حئیران من اوغول
اولــو باغباندی تؤرتدی او چیچک‌لر کــولــونـو
گوللری قول- بوداق آچدی بورودو ساغ- سـولـونو
گؤستریش وئـردی دیلی‌له بیزه علمین یــولــونـــو
یئنی تاریخ ســؤزونـو اتتدی روایــت او اوغـــول
بخـتـورلـیـک یـولـونـا اتتدی هدایــت او اوغـــول
اؤزی اؤیره‌تدی ازل گون دئدی یاز، آب ، بابانی
دیلیمه کـلـمـه یــاراتــدی اوخـــودوم مــن آنــانــی
سونکی مشقیمده ده یازیم گــؤزل آدلیم ســـارانــی
ســارا دا درس شجاعت بیزه اؤیره‌تدی اوغـــول
خا ن چوبان سئوگیسی‌له خانلاری تیتردی اوغول
چوخ قارانلیق گئجه‌نی، گون دوغانا یاتـمــادی او
خـوش خاصییت صفتین دونـیـــادا دا آتــمـــادی او
علمه یاردیم اولاراق، غملی‌لـری ســاتــمـــادی او
عـاغـیل انسانلار اؤزون دونیاسینا سـاتـمـاز اوغـــول
علمی پارلاقلی گونشدیرکی هلـه باتماز اوغـــول
یـاشـایـیش عـالـمــیـنـــه خـا ضـع دؤوران اؤزودور
وادی علمه هاماش بیزلره دوزگـون سؤزودور
جهلی باطیل ائــده‌ن اول الــده‌کـی کلکین کؤزودور
قوربانام بؤیله‌جه بیر کلکه کی وولقاندیر اوغــول
سؤزلری یازمالاری دالـغـالـی طوفاندیر اوغــــول
کـلک مضرابیله کؤکلور یـئـنـه عـلمیـن ســازیــنــی
یـئـنی یئتمه اوشــاقــا اؤیره‌ده‌رک او یــازیــنــی
شـنلـیـک ایـجــاد ائـــده‌رک یـایـدیـر او آوازیــنــی
خوش نواسیندا دئییر سـانـکی بیزه یـاتـمـا اوغـــول
سنده گل حاق سؤزونو باطیل ایله قاتما اوغـــول
بسله‌دی خـــوش قوخو گول، دونیانی عطری بــورودو
دوزگون علمین یولـونـا سارساقی چکدی ســورودو
حاییف اولسون کی بو گون باغبانین عؤمرو چــورودو
سورگون عؤمرونده معلم‌لر اولوب یورغون اوغـــول
باغبان اولماسا، گوللر اولاجاق سولغون اوغول
معرفتدن سؤزو آچ، سؤزلرینی سنده دانیش
انسانی دونـیــادا ســـن اونلاریلا ائـیـله تــا نـیــش
گله‌جک گونلریمیز علمیله اولسون دولانـیـش
«دادبر» اونلارا تای بیر یانار انساندیر اوغول
زخمه چا ل سوز تئلینه حاق سؤزونو آندیر اوغول
تبریز ۲۸/۱۰/ ۶۹
