ایکی شعر
ائلیار پولاد
(1)دوروم
باغیریردی سس‌سیزلیگیمده حیات؛
کؤکسومه سانکی اود قالامیشدیلار،
یانیردی قافام
گؤینه‌ییردی ایچیم،
سالخیم سؤیوده بنزه‌ییردی
بوتون دوروشوم.
فیکیرلر اورتاسیندا دوشگونجه‌سینه
داریخیردی-
شعور آلتی بیلینجیم،
اریییردی بیر وارلیق
غورورونا دایانارکن…
(2)حرفلر
آنلاديم گؤزلريندن
ابديتين نه اولدوغونو؛
اؤيره‌نديم اوره‌ييندن
لاله‌نين قان رنگيني؛
دانيشا بيلمه‌ديم،
دويدوم كلمه‌لري؛
هوپدو وارليغيما
هاوادا اوينايان حرفلر:
آ…
زاد…
ليق.