ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

akbar salehi
شعرلر
اکبر صالحی(قاداش)

(1): تورپاق ياشادار
سئوديگي تورپاقدا قويلاندي
عؤمور بويو تورپاغي قوجاقلادي؛
تورپاق‌دا اونو بير آنا کيمي باغرينا باسدي،
تورپاقلا ياشادي.
تورپاق ياشادارميش اؤز ايسته‌ديکلريني،
او دا عؤمور بويو-
تورپاغين توزونو سيلميشدي،
اونو پاريلداتميشدي،
آغي‌يلا، قاراسي‌يلا،
چئشيدلي بوياسي‌يلا؛
هه! پاريلداتميشدي-
اؤزونون ايچ بويالاري کيمي.

(2): قيزديرما
قيزديرمام اوددان اوٍستوندور،
نه‌دن آليشميرام، نه‌دن توٍستولورم؟
هاني بير قيويلجيم؟
هاني منيم آلووومو گؤيلره قالديران؟
کيم منده قيزيشيب،
کيم مندن ياناجاق؟
منده قيزيشانلار،
منه قور آتين!
منله آلوو اولون،
منله بوي آتين!
منله گؤيه چاتين،
منله آي اولون!
قويون خرمنچي‌لر شنه‌سين تاپيپ،
ايشيقدا آييرسين دني ساماندان.

(3): کئشکه
کئشکه اودون اولايديم،
کؤزو دوٍشموش اودلاري بير ده آليشديرايديم.
آلوومو يوکسلديب
آلوولارلا يان- يانا گؤيه باش قالديرايديم.
بيرده قيزيشديرايديم
سويوق، سوسقون دوٍنيادا
بوٍتون اوشوينلري.
اينسانلارين قانلارين قاينادايديم داماردا،
باغيرلاري آچايديم قوجاق- قوجاق بير-‌ بيره؛
دؤشلر گئنيش تارلا تک
محبتله، سئوگييله دؤشنه‌يدي شيتيله.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *