حایات فرقیلیدیر
امید نجاری
حیات فرقیلیدیر کیتابلاردان
ماسال لاردان
آیسو یالقیزلیغین دوز چؤره‌گی
دنیزلرده بالیقلارین کؤلگه‌سی یوخدور, یوخ
آیسو مجبورام سیقار آلیشدیرماغا مجبورام
ایللردیر یئل ساچلاریمی داراییر
یازقی‌لاریم, بازارداکی دیلنچینی دویغولور
هافتا سونو یاغیش یاغیر هر زامان
آیسو یاغان یاغیش, بیر تک منی تانی‌ییر
دوواردا بویالی تابلولار
یئرده کی جیزیقلار
منی یامسیلاییر, منی یوروملور
حایات فرقیلیدیر شعیردن
شعیر فرقیلیدیر حایاتدان
حایات یالان اولسادا
اولماسادا شعیر دوغرو
آیسو دونیا بئله‌دیر آنجاق بئله‌دیر دونیا
دومانلا برابر خیاوانلار گئزمک
ایچگی قوتولارین شوتله‌مک
سیقار چئکمک
منیم حایاتدا اولماغیم سنین شعیرده اولماغین کیمیدیر
سیقار پاکئتینده سون سیقار قالماسی کیمیدیر
گونشین دوغماسینی گؤرمه‌مک
پنجره‌لرین باتی‌یا آچیلماسیدیر سبب
قارانلیق کوچه‌ده
آیسو کؤهنه قاپی‌نین دالیندا
آغلایان کس منم, من…
