منه قال …
کامیل قهرمان اوغلو
منه قال …
منه قال …
منه
ریه‌لریمده سیگارئت پاخیری کیمی
کبدیمین سئوگیلی کانسئری کیمی
اؤزون کیمی
گؤورچین گؤزلرین کیمی
منه قال …
آتامین گولـله یارالی کؤینه‌یی کیمی
آنامین جئهیز بوشقابی کیمی … قال منه
منه قال …
ائی ایچیمده کدر یالی
ائی گیله‌مین سانترالی
و ائی منیم گیلاموروس جیران جبه‌م
سنی تانریدان تانریلاشاجام
آه … اؤلوم اول قال منده
منه قال
تام عؤمرومه کالئندر کیمی
گونلریمه آخیم سنی
گؤزلرینه دیک باخیم
خیم،خیم،خیم،خیم،داریخیم سنی
سرطان اول توتوم سنی
یاشا منده
یارال منده
قال منده…!
منه قال.
20\۲\۸۶
