چئویرن: ایشیق
ترجمه: ایشیق
ایشیق
00:00
00:00

akbar rezayi
گول
اکبر رضایی مولان

گیزلی قالمیش کؤنول داغی دئییلسن

اوره‌ک سیخان آخشام چاغی دئییلسن

گؤزه‌ل یارسان سن کی یاغی دئییلسن

گول گول اوچون گولده گولسون سن اوچون

قاباقجیل اول اویناماغا گولماغا

جان آتما سن سارالماغا، سولماغا

فیکیر وئرمه غم کدره، دولماغا

گول گول اوچون گولده گولسون سن اوچون

مهربان اول دوستونا هم دوشمنه

کؤنول وئرسین یاغی سنه یار سنه

همیشه‌لیک بیرجه سؤزوم وار سنه

گول گول اوچون گولده گولسون سن اوچون

بوگون وارام ،صاباح یوخام بلکه ده

من اینسانام سئوگیلی‌یم هر کسه

آغلاما هئچ حیاتیندا بیر کره

گول گول اوچون گولده گولسون سن اوچون

گولوش وئره‌ر حیاتا یئنی‌لیک‌لر

یئتر بیر گون سونا بو دیریلیک‌لر

غرورسوز اول بار وئرمز ایریلیک‌لر

گول گول اوچون گولده گولسون سن اوچون

خوش باخیش اول قوجایا هم جاوانا

اومید قالما باش اوستونده تاوانا

دؤزوملو اول توخلوغا هم یاوانا

گول گول اوچون گولده گولسون سن اوچون

بو حیاتا دردده غصه ده یاردی

گئنیش دونیا بؤیوک اینسانا داردی

نه اولسون کی غصه کدرده واردی

گول گول اوچون گولده گولسون سن اوچون

دئییب گولمک اینسانی شنلندیرر

یئری گؤیو داشی دا دیللندیرر

غصه هردم حیاتی لیللندیرر

گول گول اوچون گولده گولسون سن اوچون

چاپ

3 پاسخ

  1. یاشاسین ادبیاتیمیز اوغروندا یورولمادان چالیشان اکبر رضایی.

    چوخ گؤزه ل شعیردی

    اینسانی حیاتا باغیشا مهربانلیغا اومیدوارلیغا چاغیریر.

    ساغ اولسون اوستاد شاعیریمیز

دیدگاهتان را بنویسید

نشانی ایمیل شما منتشر نخواهد شد.

گول / اکبر رضایی مولان

ایشیق
www.ishiq.net

آذربایجان ادبیات و اینجه‌صنعت سایتی

گول / اکبر رضایی مولان

ایشیق
www.ishiq.net

آذربایجان ادبیات و اینجه‌صنعت سایتی

گول / اکبر رضایی مولان

ایشیق
www.ishiq.net

آذربایجان ادبیات و اینجه‌صنعت سایتی