شعرلر
وحید طلعت
(۱): سن اولا بیلمهدیغیم…
سندن خبرسیزجهسینه یاشاماغی من سئچدیم
بولوتلارا فیکیرلشمهیی ده،
دنیز قیراغیندا آغلاماغی دا ائله،
بوراندا یورومهیی
و سادهجه سنی اونوتماغا-
فیکر ائتدیغیم آنلارین گیزلتمهسینیده.
هر شئیی گئریده قالمیش دوشون
بوندان بری
چوخ شئی‌لر دئییشهجکدیر
بیز
ایکی اؤلکهنی بیر بیرینه قوووشدورا بیلیردیک
ایکی اینسانی
ایکی مملکتدن ده
آما او قده‌ر اوزاقایدیق کی…
سسین سسیمی اوشودوردو
نفسین اورهییمی
نهایسه
من سن اولا بیلمهدیم هئچ زامان.
(۲): قرارلاریمیزدان بیر گون سورا…
قرارلاشمیشدیق
منله من.
اویلا او.
ایکیمیز ایکیمیز ایله.
بوگون باش تاپدیق
دوننایمیش قرارلاشماغیمیز
من له من قالدیق
باش باشا
سربست
صاباح
گلمهدن
اونلا
گوروشهجهییک.
(۳): گئجهنین یاریسی …
ایلک اؤنجه سندن اؤیرندیم؛
کلمه سلطنت دئییل
آز شاعیر حیاتینی دوشونه بیلمیشدی بو اوزدن
ایلک اؤنجه سندن اؤیرندیم؛
کلمه یاشاییش دئییل
آز شاعیر حیاتینی یاشایا بیلمیشدی بو اوزدن
ایلک اؤنجه سندن اؤیرندیم؛
قیسمتدن آرتیق یئمک اولماز.
