او
حسن ایلدیریم

 او

 ایللرین آرخاسیندان

سوراغیمی آلیب

 بیر پاییز آخشامی گؤروشومه گلدی

اللریمی سیخا – سیخا

گؤزلریمه باخا – باخا

توموب قالدی

منی،منده ایتیرمیش کیمی

اوزومه باخدی

تانیمادی

باخیشلارینی

گؤزلریمین ایچینه زیلله‌دی

باخدی … باخدی گؤزلری قارالینجا

باخشیلاریمیز بیر بیرینه ساریلدی‌لار

من اونون گؤزلرینین درینلیگینده

اؤزومو گؤردوم :

دوداقلاریمدا

گولوش چیچک‌لری

اوزومده

آرزو شفق‌لری

گؤزلریمده آرزو قارانقوش‌لاری

نغمه‌لریمده سئوینجیم

اؤزوم – اؤزومو سوزوردوم

من ایللرده ارییه- ارییه

او، ایللرده بؤیویه- بؤیویه

قووشوب قاریشیردی

عؤمرون گونلری!

1386/7/29