قیش بایاتی‌لاری
چئویرن: حمید آرش آزاد
ترجمه: حمید آرش آزاد
حمید آرش آزاد
00:00
00:00

شهریمیزه قیش گلدی

قار گلدی- یاغیش گلدی

خیاوانی سئل توتدو

آیاغا قالیش گلدی!

***

قیش گلیبدیر تبریزه

قار چاتیر ایندی دیزه

مسؤول‌لار آیین- شایین

چون‌کی قار یاغماز میزه!

***

قارغا دئییر: «قار- قار

دیزدن اوسته قالخیب قار

هم تاکسی دربستی توت

هم‌ده شوْفئره یالوار»!

***

سوْیوق‌دان توتولور دیل

اوشاق‌لار قالمیش سفیل

ساعت اوْن‌دا دئییرلر:

«مدرسه اوْلسون تعطیل»!

***

دؤرد ساعت‌دیر یاغیر قار

آغاریبدیر دام- دیوار

هواشناسی دئییر:

گؤی‌ده آزجا بولوت وار»!

***

قار توتوبدور هر یانی

باغلاییب اوْتوبانی

یوْل ‌مدیر کلّی دئییر:

«بس بو میکروفون هانی؟!»

***

ماشین قالیرسا قاردا

دئمه: «مسؤول‌لار هاردا؟»

عزیز قارداش! آزجا دؤز

یوْل آچیلار باهاردا!

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

قیش بایاتی‌لاری

حمید آرش آزاد
www.ishiq.net

آذربایجان ادبیات و اینجه‌صنعت سایتی