ایکی شعر
ائلیار پولاد
(۱): انجیر وزیتون
دونیایا گؤز آچدیم،
بوکولدوم انجیر یارپاغینا.
یاغدی یاغیش !
زیتون یارپاغیندان
سوزولن سو
آخدی دوزلاق دوداقلاریما.
و
ماویلشدی دوشونجه‌م…
(۲):دونیامیزین قاتاری
آشیریملاری آشیرسان
گدیکلرده دینجه‌لیرسن،
دوزنگاهدا نفس چاتمیر؛
همشه بئله‌دی:
زور اولان یئرده اییلمیشیک،
اوستونلوکده زور دئمیشیک.
عؤمور کئچیر قاتار کیمی:
کوپه‌لره دوزولموشوک
سن ده
من ده
بیر کوپه‌ده
دونیامیزین قاتاریندا…
