ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

hasan
اوچوش
حسن ایلدیریم

 بولوتسوز ماوي گؤيه ساري

اوجالدي آغ گؤيرچين

آرخايين آرخايين

                   اوچدو…اوچدو… اوچدو…

بير ميرواري دنه‌‌سي کيمي گؤروندو

                   ماوي‌ليگين بوجاغيندا

اوره‌ييم چيرپيندي… چيرپيندي

حسرتلري سيلکينيب

نيسگيل‌لري سويونوب

اينجي‌لشيب،دينجلمک ايسته‌دي؛

                   آرزولارين قوجاغيندا

گؤيرچين اوچدو… اوچدو…

اوچوب يوخوما قوندو:

«ايکيجه خووروز ساواشدي

بيري قانا بولاشدي

قان آخدي چايا دوشدو

چايدان گؤيرچين اوچدو…»

گؤيرچين اوچدو… اوچدو…

قيزيل گوله بوکولموش يوخولاردان اويانديم:

آغزيمدا آلمالارين قيزيل دادي

اللريمده کپنک‌لرين توزا دؤنموش قانادي!

باشيمدا رؤيالارين هاواسي

کؤنلومده سئودالارين نيداسي

بير آياغيم گئجه‌ده

بير ی گوندوزوده

اوچماق ايسته‌ييرم.

شفقلي اوفوقلري قوجماق ايسته‌ييرم.

سونسوز ماوي‌ليکده سوزوب،

قيزيل آلماني کهکئشان بوداغيندان اوزوب،

اينسانلارلا پايلاشماق ايسته‌يیرم.

آچيلمازي آچماق ايسته‌ييرم

اوچولمازا اوچماق ايسته‌ييرم.

یک پاسخ

  1. بلکه ده شاعیرین،
    یورولماز قانادی
    هئچ زامان
    اوچماقدان
    اوسانماق ایسته مز
    قونماغا داییر بیر یئر تاپسان اگر،
    بیزه ده گوستر قونالیم.
    (سلام یولداش.جواد بزرگ امینم.آغزینا و اوره یینه ساغلیق،تهراندا ساکینم.منیمده سازیم چالماقدان اوسانمیر.آخیریدا ،ساز و سوز دونیانی فتح ائله مه لی ۰۹۱۴۶۰۰۶۴۴۵-۴۴۴۳۲۵۸۹)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *