کیم آناجاق فریدونی؟
نیگار خیاوی
کیم آناجاق فریدونی؟
تئلی آینا داراقلی
یاخاسی قیزیل گوللو
کؤینه‌‌یی آغ فوقولو فارا
بئله‌جه گلدی گئتدی اؤلوم
اونون آغیللی رؤیاسینا
قاپیلاردان کئچیب گئدیر مایوس
آلتمیش آلتی خزل۲۱جی گون
پنجره لردن آسیلیر قیرمیزی منده
قات قات آسیلیر آلاتوران پرده
نئجه دولانمیر بیرجه ایشیق توزو بو آچماز سحرده
دولانیریق
بوینومدا آلتمیش آلتی یاشلی بیر اؤلوم کندیری، بیر من دولانیریق
قارنیمدا آلتمیش آلتی یاشلی دومرولون کؤرپه لیگی، بیر من
کیم بوگون آغیرلاییب آناجاق اونو
دارآغاجی داراقلی تئل
کیم آناجاق فریدونو
3 پاسخ
نیگارخانیم خیاوی سلام. گاهدان اوره ییم داریخیر شعرلرینیزه. گاهدان یازیلارینیزی یئنی دن اوخوماق ایسته ییرم. گاهدان بیرده سیزله قیسا مجال اولسادا یئنه دانیشیق و دوشونجه لریمیزی پایلاشماق ایسته ییره م. سیزین آدیزلا برابر ندنسه همیشه منیم ذهنیمده وقار جانلانیر. سیز آدربایجان ادبیاتیندا وقار تمثیلین داشیان افسانه وی نیگار کیمی سیز، نیگار خانیم .
yasha ,gälämüz var olsin,21 azar gürbanlari unidilmiyacag
اللره ساغلیق.
21 آذر قوتلو اولسون.