مزارسیز شهیدلر
ع. یالچین
ایاق اوسته اؤلدولر
اؤلرکن دوغولدولار
بیر ابدی یول‌دولار
بو مزارسیز شهیدلر
*
اوجالدیلار داغ کیمی
قالخدیلار بایراق کیمی
چنلی – دومانلی یولدا –
ساچدیلار مایاق کیمی
بو مزارسیز شهیدلر
*
آنالار بالام دئدی
اویویان لای‌لام دئدی
یوخونوز شیرین اولسون،
قیزیل گول دونیام دئدی-
بو مزارسیز شهیدلر
*
مزارلاری اوره‌کده
مین آرزودا، دیلکده
تئللری کؤکله‌نیبدیر
گونشلی گله‌جکده
بومزارسیز شهیدلر
*
اولاندا بیر اولدولار
اؤلنده بیر اولدولر
بیر ابدی یول‌دولار
بومزارسیز شهیدلر
یک پاسخ
سلام لار
ساغ اولون. مزار سیز شهید لرین یئرلری مفکوره لی انسانلارین اورک لری دیر .