“روح انگیز” خاطیره‌لر
مسعود آذر
اوره‌ک سنینله وورور
ای … کؤنول سیرداشی،
اوزاق یوللارین
تمناسیز یولداشی!
سن اولماساندا بو گون کناریمدا،
هله ده
ساحیلده لپه‌له‌نن دالغالار،
گویلرده قاچان بولودلار
گوزه‌لرده دیرچه‌لن بیتگی‌لر
هر آن سنی خاطیرلادیر!
ایندی سن‌ده باخ
اوزاقلاردان.
ای اؤرپه‌یی قارا
گلینجیغاز!،
اینان کی
بیر آن کسیلرسه تبسسومون سنین،
گولوشوم سولاجاق،
بوزلاییب اوزومده دوناجاق.
