اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

seyid
غزل
سیدجلیل حسینی

اپریمیش کؤهنه فیکیر،گؤر نه ماراقلانمیشیمیش

بیرکؤزرتی اولالی،گؤزده چیراقلانمیشیمیش

اؤزونو بنزه‌درک، بیرجان آلان جئیرانا او

نه یامان منله اونون،باغری باداقلانمیشیمیش

قاشا وسمه، گؤزونه سورمه چکیب، اسکی قاری

اوزه انلیک، کیریشان، تئل‌ده بویاقلانمیشیمیش

نئچه یوز ایلدی باخیرسان بو سایاقدیر، بو سایاق

تورا سالمیش مین ایلی، خالقا آداقلانمیشیمیش

جینقیرین چکسه‌ایمیش خالق آرا بیرشانلی قوچاق

گؤزونه کول آتیلیب، دیل‌ده قاداقلانمیشیمیش

 دوشونن هر بئیین‌ین، سوزموش عجب اینجی‌لرین

یوخسا بو بیج قاری‌نین باشی اوراقلانمیشیمیش

باخماجان- جان سؤزونه، باخ فئلینه، باخ آلینا

اوزده جان- جان دئیه‌رک، آلتدا یاراقلانمیشیمیش

کؤندونه سالمیش عجب، ائتمیش آواند ایشلرینی

آرخادا قانلی پیچاق، تئلده داراقلانمیشیمیش

ایچ اوزون آچدی زامان، قالدی یامان بؤینو بوکوک

یازدیقی ساختا کتاب، ترسه واراقلانمیشیمیش

“سید”ین باخسا بیری سؤزلری‌نین کؤکلرینه

گؤره‌جک بو یازیغین، دردی قالاقلانمیشیمیش.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *