عؤمورلر
هریزلی

عؤمور وار سویوموش سوورولموش اوجاق

عؤموروار اوجاغی کؤز ایله دولو

سینه وار بیر آغیز سؤزو تو‌تانمیر

سینه وار دریالار سؤز ایله دولو

گون‌لر دال با دالا دوزولور بیر- بیر

حیات دویولما‌سا عؤمور گون ایتیر

حیاتی دویماغا، ایکی گوز نه‌دیر؟

بیر اورک ایسته‌ییر گؤزایله دولو.

حیات یولون آزدی دایانیب دوران

مقصده چاتمادی بوینونو بوران

آتلی‌لار ساوشدو سانکی بورراغان

تکجه بیر یول قالدی توز­ایله دولو.