چئویرن: ایشیق
ترجمه: ایشیق
ایشیق
00:00
00:00

amirdadbar
آنا
سعید امیردادبر

 گئجه اولدوز سایاراق یاتمـایان اینسان آنادیر

غملره دالغین اولان کـؤنلو پریـشا ن آنـادیر

بئشیگین ریتمینه لای- لای لا اوره‌ک دردلــرینی

خاطـیره دفترینی ائیله‌ین عریان آنـادیــر

اوخویار لای- لاسینی تا یوخو قـاپسین گؤزونـــو

گؤز آییق، باشینین اوستونده یانار جان آنـادیر

گئجه‌دن صُبحه قده‌ر عشقینـه دیـوانـــه کیمی

کـُورپه‌جه گولدن اؤتور بولبول نالان آنادیر

دردلره توش اولوبن بیزلره جان، جان دئیه‌رک

شـیـره‌ی جان ائدن اُو دردلره درمان آنادیر

باشی وولکانلی سهندیــمدی سانارسـان کی آنا

ظاهراً درده دؤزور دالغـالی وولکان آنادیـر

قارشی گلدیکجه ده یالقیزلیغا، درد ایچره نه دیر؟

شنلیک ایجاد ائده‌رک ، ناله‌سی پنهان آنادیـر

لاله‌دیر سانکی آل اوز سینه‌سی داغدیــر دردّن

گول یاناقدیرسا اوزی ، قلبی تیلیت قان آنادیر

ائــولادیـن بـسـله‌یه‌رک بـاغ صمـیمـیّتده

گـؤرمه‌ین بـهـره‌ی ائولاد اولو باغبان آنادیر

بو طبیعت باغیـنیـن گـوللرینین لاپ گـؤزه‌لی

خوش عطیرخوش قوخولو گولّلری آلوان آنادیر

سارسیماز، عـشقـی دنیز، سئوگیسی دریا صـدفی

غملره غـرق ا ولاراق سئوگی‌یه سکان آنادیر

چون بئجرتمیشدی آنام اُودلو قوجاغیندا منی

دئـیـه‌رم حاخلی مـنه آذربایجان آنادیر

ائده‌ر‌م جانیمی قوربـان، اؤپـه‌رم تـوپـراغینی

قویمارام کژ باخا کیمـسه او منه جان آنادیر

اُودلو یوردوم اولو تویراق من‌ایسه “دادبر”م

داد چکـیب سؤیله‌ییرم عالمه سولطا ن آنادیر

۲۷/۹/۱۳۷۱

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد.

آنا / سعید امیردادبر

ایشیق
www.ishiq.net

آذربایجان ادبیات و اینجه‌صنعت سایتی

آنا / سعید امیردادبر

ایشیق
www.ishiq.net

آذربایجان ادبیات و اینجه‌صنعت سایتی

آنا / سعید امیردادبر

ایشیق
www.ishiq.net

آذربایجان ادبیات و اینجه‌صنعت سایتی