سون باخیش
داوود اهری
سنی بیر گون بولدوم
حیاتیمین رومانینین
بیر صحیفه سینده،
ایلک قیزارمیش
گؤیدن دوشن یارپاقلار
سورونرکن خیاوانلارین
ایسلانمیش آسفالتینین اوزه‌رینده!
او گوندن
بیر جوت قارا گؤزلرین
قاراسی،
قارا گئجه لرده
منی دوشوندورور،
ایستر ، ایسته‌مز
سوروندورور،
بیر سونسوز عشقین
حیات آدینا،
دونیانین تراژدیسی آدلانان
انسانین،
سون باخیشیندا
کتیبه‌لر کیمی یازیلمیش
آجی فلسفه‌نین
آنلاییشینا…!
۲۱/۴/۷۵
