اسنه‌ین شه‌هر
کریم قربانزاده
قاپالی قاپی‌لار
دویونلو یول‌لار
دوغماز بولودلار…
زهرمارین آدین چؤرک قویوبلار
دوستاقین آدینی وطن؛
حسرته یاشام دئییلیر,
یالانا سئوگی.
گئجه-گوندوز اسنه‌ین شه‌هرده
دموکراسی‌نین اوغلان چاغیندا
منه بیر اودوم هاوا یاساق,
سئوگیلیمین ساچلاری یاساق,
گولوشو یاساق؛
بوشهرده سئرچه‌یه ده حسرتم
بوش بیر اتوبوسادا….
چورک داشدان چیخیر
آزادلیق دمیردن‌ده چیخمیر
اسنه‌ین شه‌هرده,
ناخوش وطنده.
