دوستاق ائلی
اکبر قنبرزاده
دوداقلاریندان تؤکولورم،
بوینوندان آخارام آشاغا؛
بلکه ده بو گئجه سفئهله‌میشم!!
یوخ،
اللریمی آتیرام اینجه یارالارینا
سیزغین- سیزغین تؤکولورم
باشدان آیاغا.
دوشمه‌یینجه آیاقلاری‌نین آلتینا
اللریم سندن ال چکمز؛
زلی تک جانینی سومورارام،
آخی، بو قانلار سنین کارینا گلمز.
آیاقلاری‌نین آلتیندان
کئچه‌رم سوموکلرینه،
سیزغین- سیزغین تؤکولورم
باشدان آیاغا؛
سانکی بئش بارماغام،
سیزغین- سیزغین یاپیشارام اللرینه،
اللریندن‌ایسه دوداقلارینا
آآآآی دوستاق ائلی !!!
