سئوگی
امیر دادبر
سئوگی اوره‌کلره نور‌دیر، چیراق‌دیر
سئویمه ، سئوینجه ایستی اوجاق‌دیر
سئوگی هم دنیزدیر، هم‌ده مایاق‌دیر
سئوگیسیز قارانلیق داخمادیر جاهان
دونیادان سئوگی‌له اوجالار ابنسان
×××
سئوگی‌له یاشایاق شنلیک دوغولسون
د یل‌لردن غم- کده‌ر، دومان قووولسون
شنلیک‌له عؤمورلرقوشا یوغرولسون
قارداشلیق یارانسین ائل‌ده، اوبادا
سئوینجی پایلاشاق بوتون دونبادا
×××
سئوگی‌له، گولومسر گولمز دوداقلار
آلما تک پاریلدار اوزلر، یاناقلار
سئویمدن گول آچار بوتون اوجاقلار
ا وجاقلار ایسینر، دیل‌لر بال اولار
“دادبر” سئوگیسیز گول کیمی سولار.
۲۸/۴/۱۳۶۲
