گؤروشور
عدالت امی(دومان)
اولو تانريم گونوموزه گون دوغوب
سئون سئويلن‌له آيان گؤروشور
کئچیر سرحدلری خوش خیال کیمی
گؤيده بولوت، یئرده اينسان گؤروشور
اوغوللار غميني يئميش آرازين
زامان قوباريني يوموش آرازين
ايندي اوزه‌رينده گوموش آرازين
ائل توتور توي- دويون، نيشان گؤروشور
بو تايدان او تايا قيز گلين کؤچور
ساز گولور، سئوينير سؤز، گلين کؤچور
يوز اوغول ائوله‌نير، يوز گلين کؤچور
ساراي‌لا خان چوبان آسان گؤروشور
باكي تبريزله‌شير، گنجه خويلاشير
ساوالان داغ دلي داغلا هايلاشير
“عدالت” سئوینجین، غمین پایلاشیر
ایکی قارداش آذربايجان گؤروشور